សិង្ហបុរី គ្រោងទិញយន្តហោះចម្បាំងដ៏ទំនើបបំផុតមួយរបស់អាមេរិក

2019-01-21 03:24:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងការពារជាតិសិង្ហបុរី បានប្រកាសកាលពីថ្ងៃទី១៨ ខែមករា ឆ្នាំ២០១៩កន្លងទៅថា សិង្ហបុរីគ្រោងនឹងទិញយន្តហោះចម្បាំង F-35 របស់ក្រុមហ៊ុនអាមេរិក Lockheed Martin ក្នុងចំនួនតិចតួច ដើម្បីធ្វើការសាកល្បង និងសម្រាប់ជំនួសយន្តហោះ F-16 ដែលប្រើប្រាស់ជាយូរឆ្នាំមកហើយ។

ក្រោយវាយតម្លៃលើសមត្ថភាពរបស់យន្តហោះ F-35រួច ក្រសួងការពារជាតិសិង្ហបុរី និងពិភាក្សាលម្អិតជាមួយភាគីពាក់ព័ន្ធអាមេរិក ដោយប្រើពេលប្រមាណ ៩ ទៅ១២ខែ មុនការសម្រេចបញ្ជាទិញយន្តហោះនេះ សម្រាប់ប្រើប្រាស់ជាផ្លូវការក្នុងជួរកងទ័ពអាកាសសិង្ហបុរី។ ការពិភាក្សានោះ នឹងផ្តោតទៅលើតម្លៃ បរិមាណ ព្រមទាំងការបណ្តុះបណ្តាលអាកាសយានិកផងដែរ។

បើតាមលោក Ng Eng Hen រដ្ឋមន្រ្តីការពារជាតិសិង្ហបុរី បានឱ្យដឹងថា ក្បួនយន្តហោះចម្បាំង F-16 ប្រមាណ ៦០គ្រឿង ត្រូវបានដាក់ចូលក្នុងជួរកងទ័ពកាលពីឆ្នាំ១៩៩៨ ហើយនឹងបញ្ឈប់ការប្រើប្រាស់នៅក្រោយឆ្នាំ២០៣០ បើទោះបីជាយន្តហោះនេះ ត្រូវបានធ្វើកំណែប្រើជាច្រើនក៏ដោយ។

យន្តហោះ F-35 គឺជាប្រភេទយន្តហោះចម្បាំងដ៏ទំនើបជាងគេបំផុតមួយក្នុងពិភពលោក ដែលក្នុងនោះ មួយភាគបួននៃចំណូលរបស់ក្រុមហ៊ុន Lockheed Martin គឺបានមកពីការលក់យន្តហោះប្រភេទនេះ។ សម្រាប់យន្តហោះចម្បាំងប្រភេទ F-35A គឺមានតម្លៃប្រមាណ ៩០លានដុល្លារក្នុងមួយគ្រឿង៕

ប្រភព៖ Channelnewsasia ប្រែសម្រួល៖ សំភី