នាយករដ្ឋមន្ត្រីវៀតណាម៖ យើងត្រៀមរួចជាស្រេច ដើម្បីក្ដាប់ឱកាសក្នុងសង្គ្រាមពាណិជ្ជកម្ម
- 2019-01-21 06:44:59
- ចំនួនមតិ 0 | ចំនួនចែករំលែក 0
នាយករដ្ឋមន្ត្រីវៀតណាម៖ យើងត្រៀមរួចជាស្រេច ដើម្បីក្ដាប់ឱកាសក្នុងសង្គ្រាមពាណិជ្ជកម្ម
ចន្លោះមិនឃើញ
លោកនាយករដ្ឋមន្ត្រីវៀតណាម Nguyen Xuan Phuc បានថ្លែងជុំវិញបញ្ហាសង្គ្រាមពាណិជ្ជកម្មរវាងសហរដ្ឋអាមេរិក និង ចិន ថា "ពួកយើងបានត្រៀមខ្លួនរួចជាស្រេច ដើម្បីក្ដាប់ឱកាសមួយនេះ"។ ការថ្លែងនេះ បានធ្វើឡើងក្នុងកិច្ចសម្ភាសរបស់ Bloomberg TV កាលពីពេលថ្មីៗកន្លងទៅ មុនលោកទៅចូលរួមវេទិកាសេដ្ឋកិច្ចពិភពលោក នៅក្រុង Davos ប្រទេសស្វីស។
យ៉ាងណាក៏ដោយ លោក Nguyen Xuan Phuc លើកឡើងថា វៀតណាមត្រូវដោះស្រាយបញ្ហាមួយចំនួន ដូចជា កង្វះហេដ្ឋារចនាសម្ព័ន្ធ និងកម្មករដែលមានជំនាញ ដែលធ្វើឲ្យប្រទេសនៅតំបន់អាស៊ីអាគ្នេយ៍មួយនេះ មានការលំបាកក្នុងការទាក់ទាញអ្នកវិនិយោគ ងាកពីចិន មកដំឡើងរោងចក្រនៅប្រទេសរបស់ខ្លួន។
ជាមួយនឹងកំណើនសេដ្ឋកិច្ច ៧,១ភាគរយ ក្នុងឆ្នាំ២០១៨ លោកនាយករដ្ឋមន្ត្រីវៀតណាម រំពឹងក្នុងឆ្នាំ២០១៩ កំណើនស្ថិតក្នុងចន្លោះពី ៦,៦ ទៅ ៦,៨ ភាគរយ។
សូមជម្រាបថា ការនាំចេញរបស់វៀតណាម កើនដល់ ២៤៤ពាន់លានដុល្លារអាមេរិក ក្នុងឆ្នាំ២០១៨ ក្នុងនោះ ការនាំចេញទៅសហរដ្ឋអាមេរិក មានប្រមាណ ៤៨ពាន់លានដុល្លារ ដែលកើនជាង ២ដង បើធៀបទៅនឹងឆ្នាំ២០១៣៕