រដ្ឋមន្រ្តីធនធានធម្មជាតិរុស្ស៊ី នឹងមកចូលរួមកិច្ចប្រជុំមួយនៅកម្ពុជា
- 2019-01-22 09:04:38
- ចំនួនមតិ 0 | ចំនួនចែករំលែក 0
រដ្ឋមន្រ្តីធនធានធម្មជាតិរុស្ស៊ី នឹងមកចូលរួមកិច្ចប្រជុំមួយនៅកម្ពុជា
ចន្លោះមិនឃើញ
លោក ឌីមីតទ្រី កូប៊ីលគីន រដ្ឋមន្រ្តីធនធានធម្មជាតិ និងបរិស្ថាននៃសហព័ន្ធរុស្ស៊ី នឹងដឹកនាំគណៈប្រតិភូអញ្ជើញមកចូលរួមកិច្ចប្រជុំសហប្រធាននៃគណៈកម្មការអន្តររដ្ឋាភិបាលកម្ពុជា-រុស្ស៊ី ស្តីពីកិច្ចសហប្រតិបត្តិការពាណិជ្ជកម្ម សេដ្ឋកិច្ច វិទ្យាសាស្រ្ត និងបច្ចេកទេស ជាមួយលោកឧបនាយករដ្ឋមន្ត្រី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា ដែលនឹងប្រព្រឹត្តទៅពីថ្ងៃទី២៤ ដល់ថ្ងៃទី២៥ ខែមករា ឆ្នាំ២០១៩ នៅរាជធានីភ្នំពេញ។ នេះបើយោងតាមសេចក្តីប្រកាសព័ត៌មានរបស់ក្រសួងការបរទេស នៅរសៀលថ្ងៃទី២២ ខែមករា ឆ្នាំ២០១៩នេះ។
កិច្ចប្រជុំនេះ នឹងពិនិត្យពិភាក្សាការវិវឌ្ឍដែលសម្រេចបានពីសម័យប្រជុំលើកទី១០ នៃគណៈកម្មការអន្តររដ្ឋាភិបាល ដែលបានរៀបចំឡើងកាលពីថ្ងៃទី២៣ ខែសីហា ឆ្នាំ២០១៧ ព្រមទាំងកំណត់មាគ៌ាថ្មី សម្រាប់សកម្មភាពជាក់លាក់ ដើម្បីលើកកម្ពស់ភាពជាដៃគូ និងការប្រើប្រាស់សក្តានុពលសម្រាប់វិស័យកិច្ចសហប្រតិបត្តិការថ្មីៗ។
ក្នុងអំឡុងពេលស្នាក់នៅប្រទេសកម្ពុជា លោក ឌីមីតទ្រី កូប៊ីលគីន នឹងអញ្ចើញចូលជួបសម្តែងការគួរសមជាមួយសម្តេចនាយករដ្ឋមន្រ្តី ហ៊ុន សែន និងជួបប្រជុំទ្វេភាគីជាមួយលោក សាយ សំអាល់ រដ្ឋមន្រ្តីក្រសួងបរិស្ថានផងដែរ៕