ក្រសួងធនធានទឹក និង​ឧតុនិយម នៅ​ព្រឹកថ្ងៃទី​២៣ ខែមករា ឆ្នាំ​២០១៩​នេះ បាន​ជូនដំណឹងបន្ថែម ស្ដីពីការចុះត្រជាក់លើកទី២ ចាប់ពីថ្ងៃទី២៤ ដល់ ២៨ ខែមករា។ ក្នុងនោះ ខេត្ត​ ៣ គឺ​ ខេត្តព្រះវិហារ រតនគិរី និងខេត្តមណ្ឌលគិរី ពិសេស​ជួរភ្នំដងរែក ក្រសួង​បានព្យាករថា ​សីតុណ្ហភាព​អប្បបរិមា នឹងធ្លាក់ចុះ​មកនៅក្នុងរង្វង់ ១៧អង្សា។

ក្រសួងបន្តថា បណ្ដារាជធានី ខេត្ត ដទៃទៀត ​សីតុណ្ហភាព​អប្បបរមា នឹងធ្លាក់ចុះមក​នៅក្នុងរង្វង់ ២០-២២អង្សា លើកលែងតែ​បណ្ដាខេត្តនៅតំបន់មាត់សមុទ្រ ដែលធាតុអាកាស​មិនចុះត្រជាក់ទេ។

ក្រសួងបានអំពាវនាវ ឲ្យប្រជាពលរដ្ឋ ជាពិសេស​វីរកងទ័ព ដែលឈរជើងនៅតំបន់ជួរភ្នំដងរែក និងនៅខ្ពង់រាប ភាគ​ឦសាន ប្រុងប្រយ័ទ្នចំពោះអាកាសធាតុដែលចុះត្រជាក់នេះ៕