អាជ្ញាធររាជធានីភ្នំពេញ នឹងឈប់ឲ្យសង់រោងបុណ្យ រោងការ នៅតាមចិញ្ចើម/ទ្រូងផ្លូវទៀតហើយ
- 2019-01-23 01:59:07
- ចំនួនមតិ 0 | ចំនួនចែករំលែក 0
អាជ្ញាធររាជធានីភ្នំពេញ នឹងឈប់ឲ្យសង់រោងបុណ្យ រោងការ នៅតាមចិញ្ចើម/ទ្រូងផ្លូវទៀតហើយ
ចន្លោះមិនឃើញ
យោងតាមសេចក្ដីណែនាំរបស់រដ្ឋបាលរាជធានីភ្នំពេញ ចុះថ្ងៃទី៧ ខែធ្នូ ឆ្នាំ២០១៨ ស្ដីពីការរៀបចំសណ្ដាប់ធ្នាប់តាមដងផ្លូវ និងការប្រើប្រាស់ចិញ្ចើមផ្លូវសាធារណៈទាំងអស់ ក្នុងភូមិសាស្ត្ររាជធានីភ្នំពេញ ត្រង់ចំណុច "ការធ្វើរោងបុណ្យ រោងអាពាហ៍ពិពាហ៍ និងរោងកម្មវិធីផ្សេងៗ" បានឲ្យដឹងថា រដ្ឋបាលរាជធានីភ្នំពេញ នឹងឈប់ឲ្យធ្វើរោងបុណ្យ/ការ/កម្មវិធីផ្សេងៗ នៅលើចិញ្ចើមផ្លូវ និង/ឬ ទ្រូងផ្លូវក្នុងរាជធានីភ្នំពេញ ទៀតហើយ ចាប់ពីថ្ងៃទី១ ខែកក្កដា ឆ្នាំ២០១៩។
លិខិតបន្តថា ដោយឡែក ចាប់ពីថ្ងៃទី១ ខែកក្កដា ឆ្នាំ២០១៩ តទៅ រដ្ឋបាលរាជធានីភ្នំពេញ តម្រូវឲ្យប្រជាពលរដ្ឋ ត្រូវរកទីតាំងឯកជន វត្តអារាម-ព្រះវិហារ ឬ ទីតាំងសមស្របណាមួយ ជំនួសការប្រើប្រាស់ចិញ្ចើមផ្លូវ និង/ឬ ទ្រូងផ្លូវ។ ហើយការធ្វើរោងបុណ្យ រោងអាពាហ៍ពិពាហ៍ និងរោងកម្មវិធីផ្សេងៗ ជាលក្ខណៈឯកជន នៅលើចិញ្ចើមផ្លូវ និង/ឬ ទ្រូងផ្លូវក្នុងរាជធានីភ្នំពេញ គឺមិនអនុញ្ញាតជូនឡើយ៕