លោក លី ខឺឈាង៖ សម្តេច ហ៊ុន សែន ជានាយករដ្ឋមន្រ្តីដំបូងបំផុត ដែលធ្វើទស្សនកិច្ចនៅចិនក្នុងឆ្នាំនេះ
- 2019-01-23 02:30:39
- ចំនួនមតិ 0 | ចំនួនចែករំលែក 0
លោក លី ខឺឈាង៖ សម្តេច ហ៊ុន សែន ជានាយករដ្ឋមន្រ្តីដំបូងបំផុត ដែលធ្វើទស្សនកិច្ចនៅចិនក្នុងឆ្នាំនេះ
ចន្លោះមិនឃើញ
លោក លី ខឺឈាង នាយករដ្ឋមន្រ្តីចិន បានបញ្ជាក់ថា សម្តេច ហ៊ុន សែន គឺជានាយករដ្ឋមន្រ្តីនៃប្រទេសជាមិត្តរបស់ចិន ដំបូងបំផុតដែលបានទៅបំពេញទស្សនកិច្ចនៅប្រទេសចិន ក្នុងឆ្នាំ២០១៩នេះ។ ការថ្លែងបញ្ជាក់នេះ គឺឆ្លើយតបទៅនឹងសំណួររបស់សម្តេច ហ៊ុន សែន ក្នុង ជំនួបពិភាក្សាទ្វេភាគីនៅក្រុងប៉េកាំង កាលពីថ្ងៃទី២២ ខែមករា ឆ្នាំ២០១៩។
ជាមួយគ្នានេះ លោក លី ខឺឈាង បានចាត់ទុកដំណើរទស្សនកិច្ចផ្លូវការជាលើកដំបូងនៅក្នុងប្រទេសចិននេះ ក្រោយការបង្កើតរាជរដ្ឋាភិបាលនីតិកាលទី៦ គឺជាដំណើរទស្សនកិច្ចដ៏មានសារៈសំខាន់សម្រាប់ទំនាក់ទំនងទ្វេភាគីកម្ពុជា-ចិន។
ជាការឆ្លើយតប សម្តេច ហ៊ុន សែន បានមានប្រសាសន៍ថា ដំណើរទស្សនកិច្ចរបស់សម្តេចនៅប្រទេសចិននាពេលនេះ គឺដើម្បីពង្រឹងទំនាក់ទំនងទ្វេភាគី ក៏ដូចជាកិច្ចសហប្រតិបត្តិការ និងមិត្តភាពប្រទេសទាំងពីរផងដែរ។ សម្តេចនាយករដ្ឋមន្ត្រី បានមានប្រសាសន៍ថា ដំណើរទស្សនកិច្ចរបស់លោក លី ខឺឈាង កាលពីឆ្នាំ២០១៨ គឺបានចូលរួមចំណែកពង្រឹងនូវទំនាក់ទំនង មិត្តភាព និងកិច្ចសហប្រតិបត្តិការរវាងប្រទេសទាំងពីរ៕