ចិនផ្ទុះកំហឹង ក្រោយការផ្សព្វផ្សាយរបស់ក្រុមហ៊ុនអាហារ Fast-food ល្បីមួយ ជុំវិញរឿងតៃវ៉ាន់

2019-01-23 03:29:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកប្រើប្រាស់បណ្ដាញទំនាក់ទំនងសង្គម នៅក្នុងប្រទេសចិន បានប្រតិកម្មទៅនឹងក្រុមហ៊ុន McDonald's ដែលគាំទ្រឯករាជ្យភាពរបស់តៃវ៉ាន់ ក្នុងវីដេអូផ្សព្វផ្សាយរបស់ខ្លួន ដែលបានបង្ហាញយ៉ាងខ្លីពីអត្តសញ្ញាណប័ណ្ណតៃវ៉ាន់។

ការផ្សព្វផ្សាយនេះ ត្រូវបានដាក់នៅលើកញ្ចក់ទូរទស្សន៍ នៅតៃវ៉ាន់ កាលពីថ្ងៃទី៦ ខែមករា ឆ្នាំ២០១៩ ដែលបង្ហាញពីអត្តសញ្ញាណប័ណ្ណតៃវ៉ាន់ ក្នុងវីដេអូចំនួន ២វិនាទី។

អ្នកប្រើប្រាស់បណ្ដាញទំនាក់ទំនងសង្គម នៅចិនដីគោកមួយចំនួន បានអះអាងថា គួរតែដាក់អត្តសញ្ញាណប័ណ្ណចិន ជំនួសវិញ ដោយចោទក្រុមហ៊ុនខាងលើថាបាន គាំទ្រឯករាជ្យភាពរបស់តៃវ៉ាន់។

លោកស្រី ប្រធាធិបតីតៃវ៉ាន់ Tsai Ing-wen និង លោកប្រធានាធិបតីចិន ស៊ី ជីនពីង

សូមបញ្ជាក់ថា ថ្មីៗនេះ លោកប្រធានាធិបតីចិន ស៊ី ជីនពីង បានព្រមានប្រើកម្លាំងប្រឆាំងនឹងសកម្មភាពផ្តាច់ខ្លួនរបស់តៃវ៉ាន់ និងកម្លាំងខាងក្រៅដែលជ្រៀតជ្រែកចំពោះការបង្រួបបង្រួមគ្នារបស់ចិនដីគោក និងតៃវ៉ាន់។ ក៏ប៉ុន្តែ លោកស្រីប្រធាធិបតីតៃវ៉ាន់ Tsai Ing-wen បានឆ្លើយតប ដោយមិនទទួលយកការរៀបចំនយោបាយ "ប្រទេសមួយ ប្រព័ន្ធពីរ" ជាមួយប្រទេសចិននោះទេ៕

អត្ថបទទាក់ទង

ប្រភព៖ South China Morning Post ប្រែសម្រួល៖ លាភ.