ជប៉ុន លុបបំបាត់ទស្សនាវដ្ដីអាសអាភាស ដើម្បីការពារមុខមាត់ មុនព្រឹត្តិការណ៍ធំៗ២

2019-01-23 04:14:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុនហាងលក់ទំនិញ ២៤ម៉ោង ចំនួន ២ទៀត នៅប្រទេសជប៉ុន បានប្រកាសលែងដាក់លក់ទស្សនាវដ្ដីអាសអាភាស មុនព្រឹត្តិការណ៍លំដាប់ពិភពលោកចំនួនពីរ គឺ ពានរង្វាន់បាល់អោប Rugby World Cup 2019 និងកីឡាអូឡាំពិក ឆ្នាំ២០២០ ដែលជប៉ុននឹងធ្វើជាម្ចាស់ផ្ទះ។ ការសម្រេចរបស់ក្រុមហ៊ុន Seven-Elevan Japan Co. និង Lawson Inc. គឺដើម្បីជៀសវាងការវាយតម្លៃមិនល្អ មកលើប្រទេសជប៉ុន ពីសំណាក់អ្នកទេសចរ ដែលមកចូលរួមព្រឹត្តិការណ៍ទាំងនេះ។

ហាង Seven Eleven មួយកន្លែង នៅប្រទេសជប៉ុន (រូបថត៖ KYODO)

ក្រុមហ៊ុន Seven-Eleven មានហាងរបស់ខ្លួន ប្រមាណ ២ម៉ឺនកន្លែង ខណៈក្រុមហ៊ុន Lawson មានហាងប្រមាណ ១៤០០០ កន្លែង។ យ៉ាងណាមិញ ការតាំងលក់ទស្សនាវដ្តីអាសអាភាស ត្រូវដាក់ដោយឡែកពីទស្សនាវដ្ដីដទៃទៀត។ ហើយមនុស្សក្រោម ២០ឆ្នាំ មិនអនុញ្ញាតឲ្យទិញទស្សនាវដ្តី អាសអាភាសឡើយ។

ការប្រកាសឈប់តាំងលក់ទស្សនាវដ្ដីអាសអាភាសរបស់ក្រុមហ៊ុនទាំងពីរនេះ គឺបន្ទាប់ពីក្រុមហ៊ុនចំនួន ២ផ្សេងទៀត បានបញ្ឈប់ការតាំងលក់ទស្សនាវដ្ដីប្រភេទនេះ នៅហាងរបស់ខ្លួន ក្នុងប្រទេសជប៉ុន រួមមាន ក្រុមហ៊ុន Ministop និង FamilyMart ៕

ប្រភព៖ telegraph ប្រែសម្រួល៖ លាភ.