ក្រុមបាល់ទាត់ជម្រើសជាតិ២ ដកខ្លួនពីពានរង្វាន់ U22 អាស៊ាន នៅកម្ពុជា
- 2019-01-24 09:12:13
- ចំនួនមតិ 0 | ចំនួនចែករំលែក 0
ក្រុមបាល់ទាត់ជម្រើសជាតិ២ ដកខ្លួនពីពានរង្វាន់ U22 អាស៊ាន នៅកម្ពុជា
ចន្លោះមិនឃើញ
យោងតាមការចុះផ្សាយរបស់វេបសាយ Asean Football កាលពីថ្ងៃទី២២ ខែមករា ឆ្នាំ២០១៩ បានឲ្យដឹងថា ក្រុមបាល់ទាត់ជម្រើសជាតិ ព្រុយណេ និង សិង្ហបុរី បានសម្រេចចិត្តដកខ្លួនចេញពីពានរង្វាន់ AFF U22 Championship 2019 ដែលកម្ពុជានឹងរៀបចំធ្វើជាម្ចាស់ផ្ទះ នៅពាក់កណ្ដាលខែកុម្ភៈ ខាងមុខនេះ។ អវត្តមានក្រុមទាំងពីរ មានន័យថា ពានរង្វាន់នេះ នឹងមានការចូលរួមតែ ៩ក្រុមប៉ុណ្ណោះ។
បើតាមវេបសាយផ្លូវការរបស់សហព័ន្ធកីឡាបាល់ទាត់សិង្ហបុរី បានឲ្យដឹងថា ការដកខ្លួននេះ គឺដោយសារគ្រូបង្វឹកក្រុមសិង្ហបុរី Fandi Ahmad ចង់ផ្ដោតលើការត្រៀមខ្លួន សម្រាប់ប្រកួតវគ្គជម្រុះពានរង្វាន់ AFC U23 ដែលចាប់ផ្ដើមនាខែមីនា ឆ្នាំ២០១៩ ពោលគឺត្រូវចេញទៅបោះជុំរុំហ្វឹកហាត់នៅក្រៅប្រទេស ដើម្បីចម្រាញ់យកក្រុមកីឡាករដែលល្អបំផុត។
យ៉ាងណាក្ដី ប្រភពដដែលមិនបានបញ្ជាក់ពីមូលហេតុនៃការដកខ្លួន របស់ ព្រុយណេ នោះទេ។
ដូច្នេះ
ពូល A មាន៖ វៀតណាម ថៃ ទីម័រខាងកើត ឡាវ និងហ្វីលីពីន។
ពូល B មាន៖ ម៉ាឡេស៊ី មីយ៉ាន់ម៉ា ឥណ្ឌូណេស៊ី និងម្ចាស់ផ្ទះ កម្ពុជា។
សូមបញ្ជាក់ថា ពានរង្វាន់ AFF U-22 Championship 2019នឹងត្រូវចាប់ផ្តើមដំណើរការ នាថ្ងៃទី ១៧ ខែកុម្ភៈ ឆ្នាំ២០១៩។ វគ្គផ្តាច់ព្រ័ត្រ នឹងប្រព្រឹត្តទៅ នាថ្ងៃទី១ ខែមីនា ឆ្នាំ២០១៩៕