Tiger Street Football Festival 2019 មណ្ឌលបាត់ដំបង កើនដល់ ៩៦ក្រុម

2019-01-26 06:31:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្រឹត្តិការណ៍ប្រកួតបាល់ទាត់ដ៏ធំដែលរៀបចំឡើងដោយក្រុមហ៊ុនស្រាបៀរ Tiger មានឈ្មោះថា Tiger Street Football Festival 2019 មណ្ឌលបាត់ដំបង បានចាប់គូរួចរាល់អស់ហើយ ដែលមានទាំងអស់ ៩៦ក្រុមចូលរួមប្រកួតប្រជែង។ ការប្រកួត ធ្វើឡើងនៅវាលបែកចាន ចាប់ថ្ងៃទី ២៦ ដល់ទី ២៧ ខែមករា ឆ្នាំ២០១៩។

ដោយសារក្រុមដែលចូលរួមកើនឡើងដល់៩៦ លើសចំនួនកំណត់ (៩០ក្រុម) ដូច្នេះក្រុមការងាររៀបចំការប្រកួត បានសម្រេចបន្ថយពេលវេលាប្រកួត គឺប្រកួត១វគ្គ ៦នាទី ត្រូវបន្ថយមកត្រឹម ៥នាទីវិញ លើកលែងតែការប្រកួតវគ្គពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ ដែលប្រកួត ១វគ្គ រយៈពេល ១០នាទីធម្មតា។

សម្រាប់មណ្ឌលបាត់ដំបង ដែលជាមណ្ឌលទី៤ បន្ទាប់ពីខេត្តព្រះសីហនុ តាកែវ និងកំពង់ស្ពឺ គឺត្រូវចម្រាញ់យក ៩ ក្រុម ឡើងទៅកាន់ដំណាក់កាលផ្ដាច់ព្រ័ត្រនៅរាជធានីភ្នំពេញ ពីថ្ងៃទី១៦-១៧ ខែមីនា ឆ្នាំ២០១៩។ ក្នុងមណ្ឌលនេះ ក្រុមមកពីខេត្តបាត់ដំបង ពោធិ៍សាត់ កំពង់ឆ្នាំង ប៉ៃលិន និងបន្ទាយមានជ័យ មានសិទ្ធិចុះឈ្មោះចូលរួមប្រកួតបាន។ កម្មវិធីប្រកួតនេះដែរមានការផ្សាយផ្ទាល់តាមរយៈ Page ផ្លូវការរបស់ស្រាបៀរ Tiger ផងដែរ។

សម្រាប់ការប្រគំតន្ត្រីវិញ មានចំនួនពីរយប់ ដែលយប់ថ្ងៃទី២៦ មករា មានលោក ឆន សុវណ្ណារាជ, លោក ខេមរៈ សេរីមន្ត, កញ្ញា វី ឌីណែត, លោក នី រតនា និង កញ្ញា ប៉ាច គីមមួយ។ ចំណែកយប់ថ្ងៃទី២៧ មករា ដែលមានការផ្សាយផ្ទាល់តាមរយៈទូរទស្សន៍រស្មីហង្ស មាស គឺមានលោក ព្រាប សុវត្តិ, កញ្ញា ឱក សុគន្ធកញ្ញា, កញ្ញា សួស វីហ្សា, លោក Zono និងលោក វង្ស ដារ៉ារតនា។

ចំពោះប្រាក់រង្វាន់ប្រចាំមណ្ឌលបាត់ដំបង៖

លេខ១ ទទួលបាន ១៥០០ ដុល្លារអាមេរិក
លេខ ២ ទទួលបាន ១០០០ ដុល្លារអាមេរិក
លេខ ៣ ទទួលបាន ៥០០ ដុល្លារអាមេរិក
លេខ ៤ ទទួលបាន ២០០ ដុល្លារអាមេរិក

ក្រុមជយលាភីទូទាំងប្រទេស៖

ក្រុមលេខ១៖ ១ ៥០០០ ដុល្លារអាមេរិក
ក្រុមលេខ២៖ ៥ ០០០ ដុល្លារអាមេរិក
ក្រុមលេខ៣៖ ២ ៥០០ ដុល្លារអាមេរិក
ក្រុមលេខ៤៖ ១ ០០០ ដុល្លារអាមេរិក

មណ្ឌលបន្ទាប់ពីបញ្ចប់នៅបាត់ដំបង មាន៖

មណ្ឌលក្រុងប៉ោយប៉ែត ៖ មណ្ឌលនេះក្រុមខេត្តក្រុងប៉ោយប៉ែត ប៉ៃលិន និងបន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២ ៣ ខែកុម្ភៈ។
មណ្ឌលខេត្តសៀមរាប ៖ មណ្ឌលនេះក្រុមខេត្តសៀមរាប ឧត្តរមានជ័យ ព្រះវិហារ និងកំពង់ធំមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៨ ៩ ១០ ខែកុម្ភៈ។
មណ្ឌលខេត្តកំពង់ចាម ៖ មណ្ឌលនេះក្រុមខេត្តកំពង់ចាម ក្រចេះ ស្ទឹងត្រែង រតនគីរី មណ្ឌលគីរី ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៦ ១៧ ខែកុម្ភៈ។
មណ្ឌលខេត្តកណ្ដាល ៖ មណ្ឌលនេះក្រុមខេត្តកណ្ដាល ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៣ ខែមីនា។
មណ្ឌលរាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣ ១៤ ១៥ ខែមីនា។

ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦ ១៧ ខែមីនា នៅរាជធានីភ្នំពេញ។

អត្ថបទ៖ សុខ សុវត្ថិ