ស្លាប់ ១៨នាក់ ដោយសារការបំផ្ទុះគ្រាប់បែក ក្នុងព្រះវិហារមួយ នៅហ្វីលីពីន

2019-01-28 02:06:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យ៉ាងហោចណាស់មនុស្ស ១៨នាក់ បានស្លាប់ ក្នុងការបំផ្ទុះគ្រាប់បែកផ្ទួនៗ ចំនួន ២គ្រាប់ កាលពីថ្ងៃអាទិត្យ ទី២៧ ខែមករា ឆ្នាំ២០១៩ នៅក្នុងព្រះវិហារកាតូលិកមួយកន្លែង នៅកោះភាគខាងត្បូង ប្រទេសហ្វីលីពីន ដែលជាតំបន់លាក់ខ្លួនរបស់ក្រុមសកម្មប្រយុទ្ធឥស្លាម។

ហេតុការណ៍នេះ បានកើតឡើងប៉ុន្មានថ្ងៃបន្ទាប់ពី ការបោះឆ្នោតគាំទ្រ និងប្រគល់ការគ្រប់គ្រងឲ្យក្រុមមូស្លីម នៅក្នុងតំបន់ខាងលើ។ ក្រុម IS បានអះអាងថា ខ្លួននៅពីក្រោយការវាយប្រហារបំផ្ទុះគ្រាប់បែកនេះ។

នេះជាការវាយប្រហារដ៏ធំមួយ ដែលមិនធ្លាប់មាន ក្នុងប៉ុន្មានឆ្នាំចុងក្រោយនេះ នៅហ្វីលីពីន និងបង្ហាញឲ្យឃើញថា តំបន់ភាគខាងត្បូងហ្វីលីពីន ជាទីតាំងលាក់ខ្លួនរបស់ក្រុមសកម្មប្រយុទ្ធជាច្រើន ទោះបីជាមានការព្រមព្រៀងរក្សាសន្តិសុខក្នុងតំបន់នេះក៏ដោយ។

សូមជម្រាបថា កាលពីសប្ដាហ៍មុន ហ្វីលីពីន បានបោះឆ្នោតឲ្យក្រុមមូស្លីមនៅភាគខាងត្បូង គ្រប់គ្រងបន្ថែមលើការងាររបស់ពួកគេដោយខ្លួនឯង៕