ចាន់ វឌ្ឍនាកា ស៊ុតចូលគ្រាប់ដំបូងសម្រាប់ក្លឹបថ្មី មុនចាប់ផ្ដើមលីគម៉ាឡេស៊ី

2019-01-28 09:04:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធកម្ពុជា ចាន់ វឌ្ឍនាកា រកបានគ្រាប់បាល់ដំបូងរបស់ខ្លួន ក្រោយពីផ្ទេរទៅកាន់ក្លឹបបាល់ទាត់ម៉ាឡេស៊ី PKNS ក្នុងការប្រកួតមិត្តភាពកម្ដៅសាច់ដុំទល់នឹងក្លឹប PKNP នៅក្រុង Kelana Jaya កាលពីថ្ងៃចុងសប្ដាហ៍កន្លងទៅ។

ចាន់ វឌ្ឍនាកា លេងក្នុងការប្រកួតមិត្តភាពរវាង PKNS និង PKNP កាលពីថ្ងៃទី២៦ ខែមករា ឆ្នាំ២០១៩

ចាន់ វឌ្ឍនាកា ជាអ្នកស៊ុតគ្រាប់ទីមួយ ឲ្យ PKNS ក្នុងការប្រកួតដែលបានបញ្ចប់ទៅដោយលទ្ធផលឈ្នះ PKNP ២-១។

សូមបញ្ជាក់ថា ចាន់ វឌ្ឍនាកា ត្រូវបានបង្ហាញខ្លួនជាកីឡាកររបស់ PKNS ជាផ្លូវការ កាលពីថ្ងៃទី ១៨ ខែមករា ឆ្នាំ២០១៩។ កីឡាករដែលបានផ្ទេរពីក្លឹបបាល់ទាត់បឹងកេតនេះ បាននិយាយថា ខ្លួននឹងព្យាយាមអស់ពីចិត្ត ដើម្បីជួយ PKNS នៅរដូវកាល២០១៩ខាងមុខនេះ។

លីគកំពូលម៉ាឡេស៊ី នឹងចាប់ផ្ដើមនៅថ្ងៃទី១ ខែកុម្ភៈ ខាងមុខនេះ ដោយ PKNS ត្រូវប៉ះជាមួយក្លឹប Terengganu ដែលមានវត្តមានខ្សែបម្រើកម្ពុជាកាត់បារាំង ធារី ចន្ថាប៊ីន ផងដែរ៕