Juventus អស់ពាន១ហើយ ក្រោយចាញ់ Atalanta ទក់សាច់

2019-01-31 01:45:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមការពារតំណែងជើងឯកចាស់ Juventus បានធ្លាក់ចេញពីពាន Coppa Italia ក្នុងវគ្គ ៨ក្រុមចុងក្រោយកាលពីយប់មិញនេះ ក្រោយចាញ់ក្រុម Atalanta ៣-០។

ក្រុមម្ចាស់ផ្ទះ បានស៊ុតបញ្ចូលទី ២គ្រាប់នៅតង់ទី១ ដោយកីឡាករ Timothy Castagne និង Duvan Zapata។ ចុងតង់ទី២ នាទី ៨៦ ខ្សែប្រយុទ្ធកូឡុំប៊ី Zapata បានស៊ុតគ្រាប់ទី២ របស់ខ្លួន ដើម្បីជួយឲ្យ Atalanta ឡើងទៅជួបក្រុម Fiorentina នៅវគ្គពាក់កណ្ដាលផ្ដាច់ព្រ័ត្រ។

Ronaldo សោកស្ដាយ ក្រោយចាញ់ការប្រកួត (រូបភាពផ្ដល់សិទ្ធិដោយ Reuters)

អ្នកចាត់ការក្រុមសេះបង្កង់ លោក Massimiliano Allegri បានដាក់ជម្រើស ១១នាក់ដំបូងពេញជើងតែម្ដង នៅក្នុងការប្រកួតនេះ ដោយឲ្យ Cristiano Ronaldo ចាប់ដៃគូជាមួយ Paulo Dybala នៅតំបន់ប្រយុទ្ធ។ យ៉ាងណាក្ដី ក្រុមដែលមិនទាន់ចាញ់នៅក្នុងលីគកំពូលអ៊ីតាលីនេះ បានស៊ុតចំគោលដៅតែម្ដងគត់ ដែលជាការស៊ុតវ៉ូឡេរបស់ខ្សែបម្រើជើងចាស់ Sami Khedira។

សូមបញ្ជាក់ថា ក្រោមការដឹកនាំរបស់អ្នកចាត់ការ Massimiliano Allegri ក្រុមសេះបង្កង់ បានឈ្នះពាន Coppa Italia ដល់ទៅ ៤ដង ប៉ុន្តែកាលពីយប់មិញ លោកត្រូវបានអាជ្ញាកណ្ដាលបណ្ដេញចេញ មិនឲ្យឈរបញ្ជាកូនក្រុមនោះទេ៕