ឡាវកំពុងតាមដានគុណភាពខ្យល់ ខណៈក្រុងបាងកកកំពុងរងការបំពុលខ្យល់អាកាស

2019-01-31 07:18:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងធនធានធម្មជាតិ និងបរិស្ថាននៃប្រទេសឡាវ បាននឹងកំពុងយកចិត្តទុកដាក់ឃ្លាំមើលគុណភាពខ្យល់ក្នុងក្រុងវៀងចន្ទន៍ ខណៈក្រុងបាងកក កំពុងទទួលរងនូវកម្រិតបំពុលខ្យល់ខ្ពស់។ នេះបើតាមការចុះផ្សាយរបស់ Vientiane Times នៅថ្ងៃទី៣១ ខែមករា ឆ្នាំ២០១៩។

លោក Vilasak Choundala នាយកវិទ្យាស្ថានស្រាវជ្រាវនៃក្រសួងខាងលើ បានឱ្យដឹងថា វិទ្យាស្ថានរបស់លោក បានដាក់ឧបករណ៍ត្រួតពិនិត្យគុណភាពខ្យល់នៅទីតាំងចំនួន៤ ក្នុងក្រុងវៀងចន្ទន៍ តាំងពីថ្ងៃទី២៨មករាមក។ លោកថា ការធ្វើដូច្នេះគឺដើម្បីផ្តល់ឱ្យរដ្ឋាភិបាលក្នុងការពិចារណារកវិធានការ ដើម្បីរក្សាខ្យល់ស្អាត។

រថយន្តចល័តដែលបំពាក់ឧបករណ៍ត្រួតពិនិត្យគុណភាពខ្យល់ នៅក្រុងវៀងចន្ទន៍

លោកបន្ថែមថា ការត្រួតពិនិត្យគុណភាពខ្យល់នៅក្រុងវៀងចន្ទន៍ គឺជាផ្នែកមួយនៃផែនការប្រចាំរបស់វិទ្យាស្ថាន។ ការត្រួតពិនិត្យនេះ មានរយៈពេល៣ឆ្នាំមកហើយ ដោយធ្វើឡើងនៅតាមបណ្តាផ្នែកជាច្រើននៃប្រទេសឡាវ។

លោក Vilasak អះអាងថា គុណភាពខ្យល់ក្នុងប្រទេសឡាវ គឺល្អ បើប្រៀបធៀបនឹងបណ្តាក្រុងនានានៅអាស៊ី ដោយលើកឡើងថា នេះក៏ដោយសារតែឡាវមានយានយន្តតិច និងមិនសូវមានរោងចក្រធុនធ្ងន់៕

អត្ថបទ៖ សំភី