អូស្ត្រាលី អាចនឹងចូលលេងពានរង្វាន់ Suzuki Cup នៅឆ្នាំក្រោយ

2019-02-01 03:40:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហព័ន្ធកីឡាបាល់ទាត់អូស្ត្រាលីបានបង្ហើបថា អូស្ត្រាលី កំពុងរៀបចំស្នើសុំចូលរួមក្នុងពានរង្វាន់ AFF Suzuki Cup 2020 ក្រោមដំបូលរបស់សហព័ន្ធកីឡាបាល់ទាត់អាស៊ាន (AFF)។

ក្រុមបាល់ទាត់ជម្រើសជាតិអូស្ត្រាលី (រូបថត៖ Asian Cup)

លោក David Gallop ប្រធានសហព័ន្ធកីឡាបាល់ទាត់អូស្ត្រាលីបានឲ្យដឹងថា បន្ទាប់ពីឃើញពីការវិវឌ្ឍនូវសមត្ថភាពរបស់សមាជិក AFF រួចមក ហើយសក្ដានុពលនៃទីផ្សារដ៏សំខាន់របស់ខ្លួន អូស្ត្រាលីនឹងពិនិត្យលើការស្នើមួយនេះ។

យោងតាមរបាយការណ៍ពីសារព័ត៌មាន Sydney Morning Herald បានឲ្យដឹងថា ក្រសួងការបរទេស និងពាណិជ្ជកម្មអូស្ត្រាលី បានគាំទ្រនូវសំណើសុំចូលរួមពានរង្វាន់ AFF Suzuki Cup ។ យ៉ាងណាក៏ដោយ កាលវិភាគប្រកួតពានរង្វាន់ AFF Suzuki Cup មានភាពជាន់គ្នានឹងកាលវិភាគប្រកួត ក្របខណ្ឌលីគកំពូលនៅអូស្ត្រាលី ដែលភាគីពាក់ព័ន្ធ ត្រូវពិភាក្សាគ្នា។

ក្រុមបាល់ទាត់ជម្រើសជាតិអូស្ត្រាលី (រូបថត៖ Asian Cup)

សូមជម្រាបថា អូស្ត្រាលី បានចូលជាសមាជិក AFF កាលពីឆ្នាំ២០១៣ និងជាសមាជិកកូនពៅ។ តែប្រទេសសមាជិកដទៃទៀត មិនឯកភាពឲ្យ អូស្ត្រាលី លេងក្នុងពានរង្វាន់ AFF Suzuki Cup ឡើយ ដោយសារតែគម្លាតនៃគុណភាពកីឡាករ៕

ប្រភព៖ Fox Sports Asia ប្រែសម្រួល៖ លាភ.