Son ស៊ុតចូលចុងម៉ោង ជួយឱ្យ Spurs ឡើងឈរលេខ២ ខណៈ Chelsea លត់ Huddersfield ៥-០
- 2019-02-03 00:44:35
- ចំនួនមតិ 0 | ចំនួនចែករំលែក 0
Son ស៊ុតចូលចុងម៉ោង ជួយឱ្យ Spurs ឡើងឈរលេខ២ ខណៈ Chelsea លត់ Huddersfield ៥-០
ចន្លោះមិនឃើញ
Son Heung-min ស៊ុតចូលបាន១គ្រាប់នៅនាទី៨៣ ជួយឱ្យ Tottenham Hotspur យកឈ្នះក្រុមភ្ញៀវ Newcastle United យ៉ាងប្រផិតប្រផើយក្នុងលទ្ធផល ១-០ នៅ Premier League សប្តាហ៍ទី៥ កាលពីយប់មិញ។
ក្រោយស៊ុតចូល១គ្រាប់នេះ អ្នកចាត់ការទូទៅក្រុម Spurs លោក Mauricio Pochettino បានប្រដូចកម្រិតថាមពលរបស់ Son ថាជា អាគុយមួយ។ «Son ប្រៀបដូចជាអាគុយមួយ ដែលអ្នកមាន ហើយប្រើរហូតទាល់តែអស់ថាមពល។ គាត់ផ្តល់ឱ្យអ្នកគ្រប់យ៉ាងទាំងអស់ ហើយនៅពេលគាត់អស់កម្លាំង គាត់និយាយថា គាត់ត្រូវការសម្រាក។ នៅលើទីលាន គាត់តែងតែមានសកម្មភាពគ្រប់ ១០០% និងមិនដែលបោះបង់ឡើយ»។
លទ្ធផលនេះ បានធ្វើឱ្យក្រុមមាន់ខ្នាយមាស ឡើងមកឈរលេខ២ ក្នុងតារាងជាបណ្តោះអាសន្ន មាន ៥៧ពិន្ទុ ខណៈ Manchester City ធ្លាក់ទៅលេខ៣វិញ មាន ៥៦ពិន្ទុ ប៉ុន្តែនឹងត្រូវប្រកួតជាមួយ Arsenal យប់នេះ។
ចំណែក Chelsea បានឡើងមកលេខ៤ មាន៥០ពិន្ទុ ក្រោយបំបាក់ក្រុមភ្ញៀវ Huddersfield Town ក្នុងលទ្ធផល ៥-០។ ៥គ្រាប់នេះ ធ្វើបានដោយ Higuain នៅនាទី១៦ និង៦៩, E Hazard នៅនាទី៤៥+១ និងនាទី៦៦ ដោយបាល់ប៉េណាល់ទី និង១គ្រាប់ទៀតធ្វើបានដោយ David Luiz នៅនាទី៨៦៕
វីដេអូ Highlight រវាង Tottenham Hotspurs vs Newcastle United