លោក ដូណាល់ ត្រាំ ប្រកាសពីព្រឹត្តិការណ៍ដ៏ធំមួយដែលធ្វើឡើងនៅវៀតណាម ចុងខែកុម្ភៈនេះ

2019-02-06 07:28:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ដូណាល់ ត្រាំ ប្រធានាធិបតីអាមេរិក បានប្រកាសថា លោកនឹងមានជំនួបកំពូលលើកទី២ ជាមួយមេដឹកនាំកូរ៉េខាងជើង លោក គីម ជុងអ៊ុន នៅប្រទេសវៀតណាម ពីថ្ងៃទី២៧ ដល់ ២៨ ខែកុម្ភៈ ឆ្នាំ២០១៩។ លោកប្រកាសដូច្នេះ ទៅកាន់សភា កាលពីថ្ងៃទី៥ ខែកុម្ភៈ ឆ្នាំ២០១៩។

លោក ត្រាំ បានអះអាងថា ប្រសិនបើពេលនេះ លោកពុំបានជាប់ឆ្នោតជាប្រធានាធិបតីទេនោះ អាមេរិក នឹងអាចមានសង្គ្រាមដ៏ធំមួយជាមួយកូរ៉េខាងជើង។

ជំនួបកំពូលលើកទី១រវាង លោក គីម ជុងអ៊ុន និងលោក ដូណាល់ ត្រាំ កាលពីខែមិថុនា ឆ្នាំ២០១៨ នៅសិង្ហបុរី

បន្ទាប់ពីជំនួបលើកទី១ ជាមួយលោក គីម ជុងអ៊ុន កាលពីខែមិថុនា ឆ្នាំ២០១៨ នៅសិង្ហបុរី លោក ដូណាល់ ត្រាំ បានលើកឡើងយ៉ាងដូច្នេះថា៖ «**ចំណាប់ខ្មាំងរបស់យើងបានត្រឡប់មកផ្ទះវិញ ការធ្វើតេស្តនុយក្លេអ៊ែរ ត្រូវបានបញ្ឈប់ ហើយមិនមានការបង្ហោះមីស៊ីលណាមួយឡើយ (របស់កូរ៉េខាងជើង) ក្នុងរយៈពេលជាង ១៥ខែនេះ**»។

ទោះជាយ៉ាងណា ប្រធានាធិបតីអាមេរិករូបនេះ មិនបានបញ្ជាក់ពីទីក្រុងណាមួយរបស់វៀតណាម ដែលនឹងធ្វើជាទីកន្លែងនៃជំនួបកំពូលនេះឡើយ។ ប៉ុន្តែបើយោងតាម CNN ក្រុង២ កំពុងស្ថិតក្នុងការពិចារណា គឺ ហាណូយ និង ដាណាង៕

ប្រភព៖ theguardian ប្រែសម្រួល៖ សំភី