Man City ឡើងកំពូលតារាង Premier League ក្រោយឈ្នះ Everton យប់មិញ

2019-02-07 02:27:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ Manchester City បានឡើងឈរកំពូល English Premier League ជាលើកដំបូង គិតចាប់ពីថ្ងៃទី១៦ ខែធ្នូមក ក្រោយយកឈ្នះក្រុម Everton ២-០ កាលពីយប់មិញ។

២គ្រាប់របស់ក្រុមលោក Pep Guardiola រកបានដោយខ្សែការពារ Aymeric Laporte នៅចុងតង់ទី១ និងខ្សែប្រយុទ្ធ Gabriel Jesus នៅចុងតង់ទី២។

Aymeric Laporte (ឆ្វេង) អបអរជាមួយមិត្តរួមក្រុម ក្រោយស៊ុតបញ្ចូលទី (រូបភាពផ្ដល់សិទ្ធិដោយ Reuters)

លោក Pep បាននិយាយក្រោយជ័យជម្នះនេះថា៖ "កាលពីប៉ុន្មានថ្ងៃមុន យើងអាចត្រូវបានគេនាំមុខ ៧ពិន្ទុ ប៉ុន្តែឥលូវនេះ យើងឈរនៅកំពូលតារាង។ នេះជាដំបូន្មានដ៏ល្អ និងជាមេរៀនសម្រាប់កីឡាករទាំងអស់ ថាមិនត្រូវបោះបង់"។

លោក Pep Guardiola អ្នកចាត់ការក្រុម Man City ក្ដាប់ដៃជាសញ្ញាអបអរ ក្រោយកីឡាករស៊ុតបញ្ចូលទី (រូបភាពផ្ដល់សិទ្ធិដោយ Reuters)

៣ពិន្ទុបន្ថែមនេះ ជួយឲ្យ Man City ឡើងឈរលើ Liverpool វិញ ពោលគឺមាន ៦២ពិន្ទុដូចគ្នា តែ Man City មានគ្រាប់បាល់ច្រើនជាង។ យ៉ាងណាក្ដី Liverpool នឹងឡើងលេខ១ វិញ ប្រសិនបើស្មើ ឬឈ្នះ ១ប្រកួតដែលនៅសល់ក្នុងដៃ៕