ឧទ្ធម្ភាគចក្រវេណេហ្ស៊ុយអេឡា ធ្លាក់ក្នុងអំឡុងពេលហ្វឹកហាត់ត្រៀមទប់ទល់នឹងអាមេរិក

2019-02-07 07:54:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោធាវេណេហ្ស៊ុយអេឡាចំនួន៥នាក់ បានរងរបួស ក្នុងឧបទ្ទវហេតុធ្លាក់ឧទ្ធម្ភាគចក្រ១គ្រឿង អំឡុងពេលធ្វើសមយុទ្ធមួយនៅភាគខាងលិចប្រទេសកាលពីថ្ងៃទី៤ ខែកុម្ភៈ ឆ្នាំ២០១៩។ នេះបើយោងតាមការចុះផ្សាយរបស់សារព័ត៌មាន Venezuela al Dia។

យោធាទាំងនោះ បានរងរបួសត្រង់ក្បាល ទ្រូង និងពោះ ប៉ុន្តែមិនស្ថិតក្នុងស្ថានភាពគ្រោះថ្នាក់ទេ។ ចំពោះមូលហេតុនៃការធ្លាក់ឧទ្ធម្ភាគចក្រនេះ មិនត្រូវបានប្រកាសជាសាធារណៈឡើយ។

បើតាមសារព័ត៌មានខាងលើនេះ ឱ្យដឹងថា ការធ្វើសមយុទ្ធរបស់យោធាវេណេហ្ស៊ុយអេឡានេះ គឺក្នុងគោលបំណងត្រៀមទប់ទល់នឹងការឈ្លានពានរបស់អាមេរិក បន្ទាប់ពីលោក ដូណាល់ ត្រាំ ប្រធានាធិបតីអាមេរិក បានប្រកាសដាក់ជម្រើសលើតុនូវការធ្វើអន្តរាគមន៍យោធា នៅប្រទេសវេណេហ្ស៊ុយអេឡា៕

ចុចអាន៖

ប្រធានាធិបតីវេណេហ្ស៊ុយអេឡា ព្រមានថា លោកត្រាំ កំពុងធ្វើឱ្យដៃខ្លួនប្រឡាក់ឈាមហើយ

ប្រភព៖ Sputnik News ប្រែសម្រួល៖ សំភី

ពាក្យទាក់ទង

ភ្ជាប់ទំនាក់ទំនងជាមួយ