Buriram ចុះកុងត្រាយកខ្សែបម្រើជម្រើសជាតិវៀតណាម
- 2019-02-11 03:46:54
- ចំនួនមតិ 0 | ចំនួនចែករំលែក 0
Buriram ចុះកុងត្រាយកខ្សែបម្រើជម្រើសជាតិវៀតណាម
ចន្លោះមិនឃើញ
ក្លឹបបាល់ទាត់នៅលីគកំពូលថៃ Buriram United បានសម្រេចចុះកុងត្រាជាមួយកីឡាករ Luong Xuan Truong ក្នុងលក្ខខណ្ឌខ្ចីជើង ដើម្បីចូលរួមនៅក្នុងរដូវកាល២០១៩ ដែលចាប់ផ្ដើមនៅពេលខាងមុខ។
Xuan Truong ជាតារាឆ្នើមរបស់ក្រុមជម្រើសជាតិវៀតណាម ដែលមានបទពិសោធជាច្រើន នៅលីគក្រៅប្រទេស។ ខ្សែបម្រើវ័យ២៣ឆ្នាំរូបនេះ ធ្លាប់លេងឲ្យក្លឹបចំនួន ២ នៅលីគកូរ៉េខាងត្បូង។ ក្នុងរដូវកាល ២០១៦ សមាជិកមកពីក្លឹប Hoang Anh Gia Lai នេះ បានផ្លាស់ទៅលេងឲ្យក្លឹប Incheon United មុនត្រូវបានក្លឹប Gangwon FC ខ្ចីជើងបន្ត នៅរដូវកាលបន្ទាប់។
Xuang Truong បានរួមចំណែកឲ្យ វៀតណាម គ្រងតំណែងជើងឯក AFF Suzuki Cup 2018 និងចូលរួមនៅក្នុងពានរង្វាន់ AFC Asian Cup 2019 ដែលទើបតែបញ្ចប់នាពេលកន្លងទៅ៕