ក្រសួងឧស្សាហកម្ម បញ្ជាឱ្យសិក្សាជាបន្ទាន់អំពីប្រភពទឹកឆៅដែលត្រូវផ្គត់ផ្គង់

2019-02-11 04:47:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងឧស្សាហកម្ម និងសិប្បកម្ម បានសម្តែងការព្រួយបារម្ភអំពីការខ្វះទឹកស្អាតប្រើប្រាស់នៅតាមបណ្តាខេត្តមួយចំនួននៅក្នុងគ្រោះរាំងស្ងួត នារដូវប្រាំងខាងមុខនេះ និងបានបញ្ជាឱ្យមន្ទីរឧស្សាហកម្ម និងសិប្បកម្ម រាជធានី ខេត្ត ទាំងអស់សិក្សាជាបន្ទាន់ និងសហការជាមួយមន្ទីរធនធានទឹក និងឧតុនិយម អំពីប្រភពទឹកឆៅដែលត្រូវផ្គត់ផ្គង់ និងបញ្ហាប្រឈមនៅពេលដែលគ្មានភ្លៀងនៅក្នុងរដូវប្រាំង។ នេះបើតាមការបញ្ជាក់របស់លោក អ៊ុំ សុថា រដ្ឋលេខាធិការក្រសួងឧស្សាហកម្ម និងសិប្បកម្ម នៅក្នុងសិក្ខាសាលាស្តីពីការដាក់ឱ្យប្រើប្រាស់បទដ្ឋានបច្ចេកទេសអប្បបរមាសម្រាប់ប្រព័ន្ធផ្គត់ផ្គង់ទឹកស្អាតខ្នាតតូច នៅសណ្ឋាគារភ្នំពេញ នាព្រឹកថ្ងៃទី១១ ខែកុម្ភៈ ឆ្នាំ២០១៩។

លោក អ៊ុំ សុថា

លោកបានថ្លែងយ៉ាងដូច្នេះថា៖ «**បើសិនជាយើងធ្វើការព្យាករបើអត់ភ្លៀង តើនឹងខ្វះប៉ុន្មានម៉ឺន ឬសែនម៉ែត្រគីប ដើម្បីឱ្យមន្ទីរទាំងអស់សិក្សានៅក្នុងក្របខណ្ឌរដ្ឋបាលដែនដីនីមួយៗ។ ហើយជាការចាំបាច់ អភិបាលខេត្តដែលជាគណៈបញ្ជាការឯកភាពខេត្ត ដឹកនាំគ្រប់វិស័យ នឹងអាចជំរុញ ឬក៏ជួយកិច្ចការងារនេះ ដោយក្រសួងបានឱ្យមន្ទីរឧស្សាហកម្ម និងសិប្បកម្ម ទាំងអស់ធ្វើជាសេនាធិការជូនក្រសួងផង ជូនអភិបាលខេត្តផង ពីព្រោះកិច្ចការងារនេះ ជាកិច្ចការអន្តរវិស័យ មិនមែនតែក្រសួងណាមួយទេ ជាកិច្ចការរួមដែលត្រូវរួមគ្នាគិត រួមគ្នាធ្វើទាំងអស់គ្នា**។

លោក អ៊ុំ សុថា បានបញ្ជាក់ថា ក្រសួងឧស្សាហកម្ម និងសិប្បកម្ម បានព្រាងលិខិតសុំការគាំទ្រពីក្រសួងធនធានទឹក និងឧតុនិយម ដើម្បីសុំទទួលបាននូវព័ត៌មានស្តីពីប្រភពទឹកឆៅទូទាំងប្រទេសជាផែនទី ដើម្បីយកមកធ្វើការសិក្សា។ លោកថា កន្លែងណាដែលជួបបញ្ហាប្រឈមខ្លាំង ក្រសួងនឹងមានការធ្វើអន្តរាគមន៍ «ប៉ុន្តែការធ្វើអន្តរាគមន៍ពេលខ្លះអស់លទ្ធភាពមិនដឹងធ្វើម៉េច ព្រោះទឹកដែលរីង មានតែយកទឹកពីកន្លែងផ្សេងមកទេ មិនអាចធ្វើម៉េចកើតទេ ក្រៅពីហ្នឹង»៕