ថៃ-អាមេរិក ចាប់ផ្ដើមសមយុទ្ធ "ពស់វែកមាស"
- 2019-02-11 04:47:44
- ចំនួនមតិ 0 | ចំនួនចែករំលែក 0
ថៃ-អាមេរិក ចាប់ផ្ដើមសមយុទ្ធ "ពស់វែកមាស"
ចន្លោះមិនឃើញ
យោធាថៃ និង យោធាសហរដ្ឋអាមេរិក នឹងចាប់ផ្ដើមធ្វើលំហាត់សមយុទ្ធ "ពស់វែកមាស" ឆ្នាំ២០១៩ នៅក្នុងសប្ដាហ៍នេះ ដើម្បីរឹតចំណងមិត្តភាពរវាងយោធាប្រទេសទាំងពីរ។ សមយុទ្ធនេះ មានរយៈពេល ១១ថ្ងៃ ចាប់ពីថ្ងៃអង្គារ ទី១២ ដល់ ២២ ខែកុម្ភៈ ឆ្នាំ២០១៩ នៅក្នុងប្រទេសថៃ។
រថក្រោះ M1A1 ចំនួន ៧គ្រឿង ដែលអាមេរិកប្រើប្រាស់នៅសមរភូមិមជ្ឈិមបូព៌ា ត្រូវបានបញ្ជូនឲ្យទៅចូលរួមក្នុងសមយុទ្ធ ដែលគ្រោងធ្វើឡើងនៅខេត្តសុខោទ័យ។ ចំពោះ នាវា អាមេរិកបានបញ្ជូនប្រភេទ USS John C Stennis, USS Green Bay និង USS Essex ស្របពេលដែល យន្តហោះចម្បាំង F35B នឹងត្រូវបើកនៅលើដែនអាកាសរបស់ថៃ អំឡុងសមយុទ្ធពស់វែកមាស។
សូមជម្រាបថា សមយុទ្ធពស់វែកមាស ត្រូវបានប្រារព្ធជារៀងរាល់ឆ្នាំ ដោយយោធាថៃ និងអាមេរិក បន្ទាប់ពីផ្ដួចផ្ដើមកាលពីឆ្នាំ១៩៨២៕