រថយន្តបែនដឹកដី បើកបុករថភ្លើង ធ្លាក់ក្បាលចេញពីផ្លូវដែក នៅស្រុកព្រៃនប់
- 2019-02-11 06:43:12
- ចំនួនមតិ 0 | ចំនួនចែករំលែក 0
រថយន្តបែនដឹកដី បើកបុករថភ្លើង ធ្លាក់ក្បាលចេញពីផ្លូវដែក នៅស្រុកព្រៃនប់
ចន្លោះមិនឃើញ
ករណីគ្រោះថ្នាក់ចរាចរណ៍មួយកើតឡើង បង្កដោយរថយន្តបែនដឹកដី ០១គ្រឿងម៉ាក HYUNDAI បានបុកនឹងរថភ្លើង ដែលមានទិសដៅពីខេត្តព្រះសីហនុ ឆ្ពោះទៅ ភ្នំពេញ បណ្ដាលឲ្យធ្លាក់ក្បាលរថភ្លើង ចេញពីលើផ្លូវដែក នៅវេលាម៉ោង ១០:១៥ នាទី ថ្ងៃទី១១ ខែកុម្ភៈ ឆ្នាំ២០១៩ លើផ្លូវដែក ត្រង់ចំណុចភូមិព្រែកទល់ ឃុំទឹកថ្លា ស្រុកព្រៃនប់ ខេត្តព្រះសីហនុ។
សមត្ថកិច្ចបានឲ្យដឹងថា រថយន្តបង្កម៉ាក HYUNDAI ពណ៌ ទឹកប្រាក់ គ្មានស្លាកលេខ ធ្វើដំណើរទិសដៅពីលិចទៅកើត លុះដល់ចំណុចខាងលើ បានបុករថភ្លើង ដែលមានទិសដៅពីខេត្តព្រះសីហនុ ឆ្ពោះទៅភ្នំពេញ បណ្ដាលឲ្យធ្លាក់ក្បាលរថភ្លើង ចេញពីលើផ្លូវដែក ។ សមត្ថកិច្ចបន្តថា ករណីគ្រោះថ្នាក់នេះ ពុំមានអ្នករងរបួសទេ ។ ចំណែកអ្នកបើកបររថយន្ត បានរត់គេចខ្លួនបាត់ ក្រោយពេលកើតហេតុ។
ចំពោះវត្ថុតាង រថយន្ត ១គ្រឿង ត្រូវបានយកមករក្សាទុកនៅអធិការដ្ឋាន នគរបាលស្រុកព្រៃនប់ ដើម្បីដោះស្រាយនៅពេលក្រោយ៕
រូប៖ ដើមអម្ពិល