ព្រះតេជគុណ ហោ សុខុន ព្រះចៅអធិការវត្តច្បារអំពៅ មិនត្រូវបានចាប់ផ្សឹកឡើយ

2019-02-12 01:32:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ឃួង ស្រេង អភិបាលរាជធានីភ្នំពេញដែលចុះទៅវត្តច្បារអំពៅ បានបញ្ជាក់ប្រាប់ [ខ្លីៗ] នៅព្រលប់ថ្ងៃទី១១ ខែកុម្ភៈ ឆ្នាំ២០១៩ថា មិនមានការផ្សឹកព្រះតេជគុណ ហោ សុខុន ព្រះចៅអធិការវត្តច្បារអំពៅនោះទេ។ ការថ្លែងបញ្ជាក់នេះ បន្ទាប់ពីសារព័ត៌មានមួយចំនួន និងបណ្តាញសង្គមបានផ្សព្វផ្សាយថា មានការផ្សឹកព្រះតេជគុណ ហោ សុខុន។

លោកអភិបាលរាជធានី បានលើកឡើងថា អ្វីដែលព្រះតេជគុណ ហោ សុខុន មានសង្ឃដីកាតាមបណ្តាញសង្គម គឺចូលក្នុងបទញុះញង់ និងចូលក្នុងគន្លងរបស់គណបក្សប្រឆាំង ហេតុនេះ លោកស្នើឲ្យព្រះអង្គកែតម្រូវឡើងវិញតែប៉ុណ្ណោះ។

ព្រះតេជគុណ ហោ សុខុន (រូបថត៖ ហ្វេសប៊ុក)

សូមជម្រាបថា សម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានឆ្លើយតបទៅនឹងសារព្រះតេជគុណ ហោ សុខុន (Facebook Page: Hor Sokhon) ដែលបានសរសេរបន្តុះបង្អាប់ លើកតម្កើង ហួសនិស្ស័យមកលើសម្តេច។ សម្តេចយល់ថាសារនេះ ដូចជាបានធ្លាក់ចូលទៅក្នុងឧបាយកលរបស់អ្នកនយោបាយទុច្ចរិត ដែលតែងតែមានបំណងចង់បំបែកបំបាក់គណបក្សប្រជាជនកម្ពុជា។ នេះបើយោងតាមទំព័រហ្វេសប៊ុករបស់សម្តេច ស ខេង ដែលបានផ្សព្វផ្សាយកាលពីព្រឹកថ្ងៃទី៩ ខែកុម្ភៈ ឆ្នាំ២០១៩។

ចំណែកព្រះតេជគុណ ហោ សុខុន បានមានបន្ទូលបកស្រាយទៅសម្តេច ស ខេង វិញថា អត្ថបទកោតសរសើរគោរពរបស់ព្រះអង្គចំពោះសម្តេច ស ខេង គឺជាទស្សនៈ និងជាទឹកចិត្តផ្ទាល់ខ្លួន ពោលគឺមិនឃើញត្រង់ណាដែលថា ជាការញុះញង់ ល្មើសច្បាប់ និងមិនមែនជាការធ្វើដើម្បីបម្រើនយោបាយឲ្យក្រុមណា ឬបក្សណាមួយនោះឡើយ៕

អត្ថបទ៖ សោភា