ឡៅ ចិត្រា បង្ហើបយុទ្ធសាស្រ្ដប្រកួតទល់នឹងស៊ូភើលែក នៅសង្វៀន ONE
- 2019-02-12 02:31:54
- ចំនួនមតិ 0 | ចំនួនចែករំលែក 0
ឡៅ ចិត្រា បង្ហើបយុទ្ធសាស្រ្ដប្រកួតទល់នឹងស៊ូភើលែក នៅសង្វៀន ONE
ចន្លោះមិនឃើញ
ឡៅ ចិត្រា នឹងត្រូវបង្ហាញខ្លួនលើកដំបូងក្នុងសង្វៀន ONE Championship នាថ្ងៃទី១៦ ខែកុម្ភៈ ដោយត្រូវប៉ះកីឡាករលំដាប់ A របស់ម្ចាស់ផ្ទះថៃ ស៊ូភើលែក ខេតមូកៅ (Superlek Kiatmoo9)។
តើចិត្រា មានយុទ្ធសាស្រ្ដអ្វី ដើម្បីទប់ទល់កីឡាករសម្បូរបទពិសោធន៍របស់ថៃរូបនេះបាន?
ចិត្រា បានបញ្ជាក់ថាខ្លួនបានដឹងពីចំណុចខ្លាំងរបស់គូប្រកួត គឺគេពូកែទាត់។ ដើម្បីទប់ទល់ចំណុចខ្លាំងរបស់គេនេះ ចិត្រា នឹងព្យាយាមចូលវាយកៀក ព្រោះការវាយកៀក ធ្វើឲ្យស៊ូភើលែក មិនសូវមានជំហរ យោកខ្លួនទាត់បានធ្ងន់នោះទេ។ ទោះយ៉ាងណា ចិត្រាសង្កត់ធ្ងន់ថា យុទ្ធសាស្រ្ដប្រកួតអាចប្ដូរភ្លាមៗ ទៅតាមកាលៈទេសៈជាក់ស្ដែងផងដែរ។
ថ្លែងពីក្ដីសង្ឃឹមវិញ ចិត្រា មិនបានបញ្ជាក់ថាសង្ឃឹមប៉ុន្មានភាគរយនោះទេ ដោយគ្រាន់តែថាខ្លួនមិនខ្លាចនោះទេ បើទោះបីជាដឹងថាស៊ូភើលែក ជាកីឡាករកំពូលមួយរូបរបស់ថៃក៏ដោយ។ ចិត្រា សន្យាថានឹងប្រឹងប្រកួតឲ្យអស់លទ្ធភាព ដើម្បីយកជ័យជម្នះជូនជាតិមាតុភូមិ ក៏ដូចជាធ្វើឲ្យគេបានស្គាល់ប្រដាល់គុនខ្មែរ។
សូមបញ្ជាក់ថា លោក ហ៊ុន ច័ន្ទរាជ្យ ម្ចាស់ក្លឹប Cambodian Top Team នឹងដឹកនាំ ឡៅ ចិត្រា និង នៅ ស្រីពៅ ចេញទៅប្រកួតកម្មវិធី ONE: CLASH OF LEGENDS នៅទីក្រុងបាងកក ប្រទេសថៃ នាថ្ងៃទី១៦ ខែកុម្ភៈ ឆ្នាំ២០១៨។ ការប្រកួតនេះ មានផ្សាយបន្តផ្ទាល់ តាមរយៈទំព័រហ្វេសប៊ុក និង channel YouTube របស់ ONE Championship ក៏ដូចជានៅ App "ONE Super App" ផងដែរ (នៅ ស្រីពៅ ប៉ះ កីឡាការិនីថៃ Rika ក្នុងគូទី២ ឯ ចិត្រា ប្រកួតគូទី៥)៕
គូប្រកួតទាំងអស់ រួមមានដូចខាងក្រោម៖