របបសឹកថៃ ប្រតិកម្មនឹងសេចក្ដីរាយការណ៍ពីគម្រោងធ្វើរដ្ឋប្រហារ
- 2019-02-12 02:58:59
- ចំនួនមតិ 0 | ចំនួនចែករំលែក 0
របបសឹកថៃ ប្រតិកម្មនឹងសេចក្ដីរាយការណ៍ពីគម្រោងធ្វើរដ្ឋប្រហារ
ចន្លោះមិនឃើញ
រដ្ឋាភិបាលរបបសឹកថៃ កាលពីថ្ងៃទី១១ ខែកុម្ភៈ ឆ្នាំ២០១៩ បានច្រានចោលនូវពាក្យចចាមអារ៉ាម ពីការធ្វើរដ្ឋប្រហារ ដែលបែកធ្លាយចេញពីឯកសារមួយ ដែលត្រូវបានគេចែកចាយពាសពេញបណ្ដាញសង្គម នៅប្រទេសថៃ កាលពីចុងសប្ដាហ៍កន្លងទៅ។
អ្នកប្រើប្រាស់បណ្ដាញទំនាក់ទំនងសង្គម នៅប្រទេសថៃ បានបង្ហោះរូបថតបង្ហាញពីការចល័តរថក្រោះ កាលពីថ្ងៃចុងសប្ដាហ៍កន្លងទៅ ដែលបានបង្កការភ្ញាក់ផ្អើលជុំវិញគម្រោងធ្វើរដ្ឋប្រហារនេះ។ តែអាជ្ញាធរថៃ បានអះអាងថា រថក្រោះទាំងនោះត្រូវបានបញ្ជូនឲ្យទៅចូលរួមសមយុទ្ធ ពស់វែកមាស ដែលប្រព្រឹត្តទៅចាប់ពីថ្ងៃទី១២ កុម្ភៈ តែប៉ុណ្ណោះ។
ពាក្យចចាមអារ៉ាម បានលេចឡើង ក្រោយសេចក្ដីរាយការណ៍ថា ម្ចាស់ក្សត្រី Ubolratana Rajakanya សមាជិកខ្សែរាជវង្សថៃលើកដំបូង ត្រូវបានចុះក្នុងបញ្ជី ចូលរួមប្រកួតប្រជែងក្នុងការបោះឆ្នោតនាយករដ្ឋមន្ត្រី ដែលធ្វើឡើងនៅខែក្រោយ។ ម្ចាស់ក្សត្រី Ubolratana Rajakanya មកពីគណបក្ស Thai Raksa Chart ដែលមានទំនាក់ទំនងជាមួយលោក ថាក់ស៊ីន ស៊ីណាវ៉ាត្រា អតីតនាយករដ្មមន្ត្រីថៃ៕