សហព័ន្ធកីឡាអេឡិចត្រូនិក ចេញបទបញ្ជាផ្ទៃក្នុង ៨ចំណុច
- 2019-02-12 04:34:06
- ចំនួនមតិ 0 | ចំនួនចែករំលែក 0
សហព័ន្ធកីឡាអេឡិចត្រូនិក ចេញបទបញ្ជាផ្ទៃក្នុង ៨ចំណុច
ចន្លោះមិនឃើញ
សហព័ន្ធកីឡាអេឡិចត្រូនិកកម្ពុជា កាលពីថ្ងៃទី១១ ខែកុម្ភៈ ឆ្នាំ២០១៩ បានចេញបទបញ្ជាផ្ទៃក្នុង ៨ចំណុច សម្រាប់សមាជិកក្លឹបរបស់ខ្លួន៖
១- គោរពច្បាប់នៃព្រះរាជាណាចក្រកម្ពុជា
២- ហាមសិស្សពាក់ឯកសណ្ឋានសាលា ចូល ឬបង្កឲ្យមានការប្រមូលផ្ដុំក្មេងទំនើង
៣- ហាមលេងល្បែងភ្នាល់ ឬស៊ីសង
៤- ធារារក្សាការពារសន្តិសុខ សុវត្ថិភាពសណ្ដាប់ធ្នាប់សាធារណៈ
៥- មិនធ្វើការជួញដូរផ្លូវភេទ មិនប្រើប្រាស់ និងជួញដូរគ្រឿងញៀន
៦- មិនបង្កសំឡេង ដែលបណ្ដាលឲ្យរំខានដល់ការរស់នៅរបស់ប្រជាពលរដ្ឋដែលនៅជិតខ្លួន
៧- មិនអនុញ្ញាតឲ្យជក់បារី ឬសេពគ្រឿងស្រវឹង ក្នុងបរិវេណទីតាំងប្រកួត ឬក្លឹប
៨- សហការ និងរាយការណ៍ជូនអាជ្ញាធរមានសមត្ថកិច្ចនូវបាតុភាពអសកម្ម ដែលបណ្ដាលឲ្យប៉ះពាល់ដល់សន្តិសុខ សុវត្ថិភាព សណ្ដាប់ធ្នាប់សាធារណៈ។
សូមជម្រាបថា សហព័ន្ធកីឡាអេឡិចត្រូនិកកម្ពុជា កំពុងត្រៀមលក្ខណៈ ដើម្បីជ្រើសរើសបេក្ខភាពដែលមានសមត្ថភាព ទៅចូលរួមប្រកួតប្រជែងក្នុងព្រឹត្តិការណ៍កីឡាស៊ីហ្គេម នៅចុងឆ្នាំ២០១៩ ដែលប្រទេសហ្វីលីពីន ធ្វើជាម្ចាស់ផ្ទះ។ វិញ្ញាសា កីឡាអេឡិចត្រូនិក (E-Sports) ដែលត្រូវបានម្ចាស់ផ្ទះត្រៀមបញ្ចូល ក្នុងការប្រកួតស៊ីហ្គេម ២០១៩ មាន ៦វិញ្ញាសា៖ ១- Dota, 2 ២- Starcraft 2, ៣- Mobile Legends: Bang Bang, ៤- Arena of Valor, ៥- Tekken 7 និង ៦- NBA 2K19 ៕