គ្រូ PSG៖ ប៉ះ Man Utd យប់នេះ គឺទៅស៊ុត មិនមែនទៅទប់ទេ

2019-02-12 07:55:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Thomas Tuchel គ្រូបង្វឹកក្លឹបបាល់ទាត់ Paris Saint-Germain បានបញ្ជាក់ក្នុងសន្និសីទសារព័ត៌មានថា លោកនឹងប្រើប្រាស់ទម្រង់ប្រយុទ្ធទល់នឹងក្រុមម្ចាស់ផ្ទះ Manchester United ក្នុងការប្រកួតជើងទី១ វគ្គ ១៦ក្រុមចុងក្រោយ ពានរង្វាន់ UEFA Champions League នាយប់រំលងអាធ្រាត្រ ឈានចូលថ្ងៃទី១៣ ខែកុម្ភៈ ឆ្នាំ២០១៩។

លោក Thomas Tuchel បានឲ្យដឹងថា ទោះបីជាអវត្តមានកីឡាករ Neymar និង Edinson Cavani ក៏ដោយ ក៏ក្រុមរបស់លោកនៅតែរក្សាទម្រង់លេងប្រយុទ្ធ នៅកីឡដ្ឋាន Old Trafford របស់ក្រុមបិសាចក្រហម យប់នេះ។

«ពួកយើងនឹងមិនផ្លាស់ប្ដូរទម្រង់លេងរបស់ពួកយើងដោយសារតែអវត្តមាននេះឡើយ។ ពួកយើង ស៊ាំនឹងការលេងប្រយុទ្ធ វាជា DNA របស់ពួកយើង។ បើផ្លាស់ប្ដូរ វានឹងពិបាក»។

លោក Thomas Tuchel បន្តថា ក្រុមរបស់លោកទៅ Old Trafford ដើម្បីស៊ុតបញ្ចូលទី។ វាជារឿងដែលកូនក្រុមរបស់លោក ត្រូវតែធ្វើ។

Neymar (រូប៖ Yahoo)

សូមបញ្ជាក់ថា តារាឆ្នើម Neymar បានរបួសប្រអប់ជើងខាងស្ដាំ ត្រូវអវត្តមានយូរ ខណៈ ខ្សែប្រយុទ្ធ Cavani មិនអាចជួយ PSG នៅជើង១ វគ្គ១៦ក្រុមចុងក្រោយនេះបានឡើយ ដោយសាររបួសត្រង់ត្រគាក កាលពីសប្ដាហ៍មុន៕

ប្រភព៖ ESPN FC ប្រែសម្រួល៖ លាភ.