ភ្នំពេញក្រោន និងបឹងកេត ប៉ះជាមួយក្លឹបមកពីសិង្ហបុរី មុនបើករដូវកាលថ្មី

2019-02-13 07:24:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបាល់ទាត់ភ្នំពេញក្រោន និង បឹងកេត នឹងប្រកួតមិត្តភាពអន្តរជាតិ ទល់នឹងក្លឹបមកពីប្រទេសសិង្ហបុរី Hougang United ដែលជាសមាជិកលីគកំពូល នៅសប្ដាហ៍នេះ។

លោក ហៅ សុជាតិ គ្រូបង្វឹករបស់បឹងកេត (រូបថត៖ បឹងកេត)

យោងតាមវេបសាយផ្លូវការរបស់បឹងកេត លោកគ្រូបង្វឹករបស់បឹងកេត ហៅ សុជាតិ ថ្លែងថា៖ «ប្រកួតនេះ នឹងអាចផ្តល់ផលចំណេញសម្រាប់ពួកយើង គឺយើងអាចទទួលបាននូវបទពិសោធល្អៗពីពួកគាត់ ហើយក៏ជាចំណុចល្អ សម្រាប់យើងធ្វើតេស្ដរកកីឡាករ ដើម្បីរៀបចំក្រុមឲ្យបានល្អសម្រាប់ត្រៀមប្រកួតលីគនៅពេលខាងមុខនេះ»។

សកម្មភាពហ្វឹកហាត់របស់បឹងកេត (រូបថត៖ បឹងកេត)

ចំពោះជំនួបរវាងភ្នំពេញក្រោន ទល់នឹង Hougang United ត្រូវធ្វើឡើងនៅថ្ងៃទី១៤ ខែកុម្ភៈ ឆ្នាំ២០១៩ នៅកីឡដ្ឋាន RSN នៅវេលាម៉ោង៥:៣០ នាទីល្ងាច។

ចំណែកការប្រកួតរវាងបឹងកេត ទល់នឹង Hougang United នឹងធ្វើឡើងនៅថ្ងៃទី១៦ ខែកុម្ភៈ ឆ្នាំ២០១៩ ខាងមុខនេះ នៅកីឡដ្ឋាន RSN របស់ក្លឹបភ្នំពេញក្រោន វេលាម៉ោង ៥ល្ងាច។