ថៃ គ្រោងរំលាយគណបក្សដែលយកម្ចាស់ក្សត្រី ធ្វើជាបេក្ខភាពនាយករដ្ឋមន្រ្តី
- 2019-02-13 08:15:36
- ចំនួនមតិ 0 | ចំនួនចែករំលែក 0
ថៃ គ្រោងរំលាយគណបក្សដែលយកម្ចាស់ក្សត្រី ធ្វើជាបេក្ខភាពនាយករដ្ឋមន្រ្តី
ចន្លោះមិនឃើញ
គណៈកម្មការរៀបចំការបោះឆ្នោតថៃ នៅថ្ងៃទី១៣ ខែកុម្ភៈនេះ បានស្នើទៅតុលាការធម្មនុញ្ញ ក្នុងការពិចារណារំលាយគណបក្សថៃរក្សាជាតិ ដែលតែងតាំងម្ចាស់ក្សត្រី អ៊ូបុលរតនា ជាបេក្ខភាពនាយករដ្ឋមន្រ្តី នៅក្នុងខែមីនា ឆ្នាំ២០១៩ខាងមុខនេះ។
គណៈកម្មការនេះ បានចោទប្រកាន់គណបក្សថៃរក្សាជាតិដែលជាគណបក្សស្និទ្ធនឹងលោក ថាក់ ស៊ីន និងលោកស្រី យីងឡាក់ ថាបានបំពានច្បាប់បោះឆ្នោត ចំពោះការតែងតាំងបេក្ខភាពនាយករដ្ឋមន្រ្តីនេះ ពោលគឺបានចោទថាជា «សកម្មភាពមួយប្រឆាំងនឹងរបបរាជានិយមអាស្រ័យរដ្ឋធម្មនុញ្ញ»។
សូមរំលឹកថា គណបក្សនេះ បានតែងតាំងម្ចាស់ក្សត្រីអ៊ូបុលរតនា ដែលជាព្រះរាមរបស់ព្រះមហាវេជ្ជរ៉ាឡុងកន កាលពីថ្ងៃទី៨កុម្ភៈ ជាបេក្ខភាពនាយករដ្ឋមន្រ្តី។ ប៉ុន្តែ១ថ្ងៃក្រោយមកត្រូវបានព្រះមហាវេជ្ជរ៉ាឡុងកន បានហៅការចូលរួមនយោបាយរបស់សែរាជវង្សនេះថា មិនត្រឹមត្រូវ និងប្រឆាំងនឹងរដ្ឋធម្មនុញ្ញ និងរបបរាជានិយមអាស្រ័យរដ្ឋធម្មនុញ្ញ។
ម្ចាស់ក្សត្រីអង្គព្រះជន្ម ៦៧ព្រះវស្សាអង្គនេះ បានសុំទោសជាសាធារណៈចំពោះការចូលក្នុងឆាកនយោបាយ ហើយត្រូវបានគណៈកម្មការរៀបចំការបោះឆ្នោតថៃ ដកចេញពីបេក្ខភាពនាយករដ្ឋមន្រ្តី កាលពីថ្ងៃទី១១ ខែកុម្ភៈ ឆ្នាំ២០១៩៕