ក្រសួងទេសចរណ៍ ណែនាំចំពោះការដាក់តាំងស្លាកយីហោ នៅខេត្តព្រះសីហនុ

2019-02-14 02:07:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងទេសចរណ៍ បានចេញសេចក្ដីណែនាំស្ដីពី ការដាក់តាំងស្លាកយីហោផ្សព្វផ្សាយ តាមមូលដ្ឋានអាជីវកម្មសេវាកម្មទេសចរណ៍ នៅខេត្តព្រះសីហនុ ដោយតម្រូវឲ្យម្ចាស់អាជីវកម្ម ទេសចរណ៍ទាំងអស់នៅក្នុងខេត្តនេះ ត្រូវសរសេរអក្សរខ្មែរឲ្យធំជាងអក្សរបរទេស និងត្រូវដាក់នៅជួរខាងលើអក្សរបរទេស។

តាមសេចក្ដីណែនាំរបស់ក្រសួងទេសចរណ៍ ចុះថ្ងៃទី ១២ ខែកុម្ភៈ ឆ្នាំ២០១៩ បានណែនាំឲ្យម្ចាស់មូលដ្ឋានអាជីវកម្ម សេវាកម្មទេសចរណ៍ទាំងអស់ នៅក្នុងខេត្តព្រះសីហនុ ត្រូវអនុវត្តដូចខាងក្រោម៖

ទី១៖ គ្រប់ការតាំងផ្សព្វផ្សាយស្លាកយីហោ តាមមូលដ្ឋានអាជីវកម្មសេវាកម្មទេសចរណ៍ ត្រូវសរសេរអក្សរខ្មែរនៅខាងលើ

ទី២៖ ម្ចាស់មូលដ្ឋានអាជីវកម្មសេវាកម្មទេសចរណ៍ អាចប្រើប្រាស់អក្សរបរទេស ពីក្រោមអក្សរខ្មែរ អាស្រ័យទៅតាមប្រភពទីផ្សារ នៃអាជីវកម្មសេវាកម្មទេសចរណ៍ និងត្រូវមានទំហំអក្សរ «មួយភាគពីរ» នៃទំហំអក្សរខ្មែរដែលនៅខាងលើ។