រាជរដ្ឋាភិបាល នឹងទម្លាក់ថវិកាអភិវឌ្ឍន៍ដល់ឃុំ សង្កាត់ ប្រមាណ ៧ -១១ ម៉ឺនដុល្លារ

2019-02-14 03:01:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាក់ថា រាជរដ្ឋាភិបាល នឹងទម្លាក់ថវិកាដល់ឃុំ សង្កាត់ផ្ទាល់ ហើយកើនជាបណ្តើរៗដើម្បីអភិវឌ្ឍ ដោយមិន គិតពីថវិការដ្ឋបាល និងប្រាក់បៀវត្សរ៍នោះទេ ដើម្បីធ្វើកំណែទម្រង់តាមបែបវិមជ្ឈការ និងវិសហមជ្ឈការ ឲ្យមានប្រសិទ្ធភាព។ នេះបើយោងតាមការចុះផ្សាយរបស់ AKP កាលពីថ្ងៃទី១៣ ខែកុម្ភៈ ឆ្នាំ២០១៩។

សម្ដេច ស ខេង ក្នុងពិធីបើកសន្និបាតត្រួតពិនិត្យ ការងារឆ្នាំ២០១៨ និងលើកទិសដៅការងារបន្ដឆ្នាំ២០១៩របស់ក្រសួងមហាផ្ទៃ កាលពីថ្ងៃទី១៣កុម្ភៈ នៅទីស្ដីការក្រសួងមហាផ្ទៃ

ក្នុងពិធីបើកសន្និបាតត្រួតពិនិត្យ ការងារឆ្នាំ២០១៨ និងលើកទិសដៅការងារបន្ដឆ្នាំ២០១៩របស់ក្រសួងមហាផ្ទៃ កាលពីថ្ងៃទី១៣កុម្ភៈ នៅទីស្ដីការក្រសួងមហាផ្ទៃ សម្តេច ស ខេង បានសង្កត់ធ្ងន់ថា នៅឆ្នាំ២០២០ខាងមុខ ឃុំ សង្កាត់ ត្រូវមានថវិកាអភិវឌ្ឍន៍ដោយមិនគិតថវិការដ្ឋបាល និងប្រាក់បៀវត្សរ៍ ចាប់ពី ៧៣០០០ ដុល្លារ (បច្ចុប្បន្ន ប្រមាណ ៣៥០០០ដុល្លារ) ហើយឆ្នាំ២០២១ កើន ៨៥០០០ដុល្លារ ឆ្នាំ២០២២ កើនដល់ ១០ម៉ឺនដុល្លារ ហើយឆ្នាំ២០២៣ នឹងកើនដល់ ១១ម៉ឺនដុល្លារ។

សម្តេច ស ខេង បន្តថា ឆ្នាំ២០១៩នេះ នឹងបន្តជំរុញថែមទៀត នៅការផ្ទេរសិទ្ធិអំណាច ផ្ទេរធនធានថវិកា រាប់ទាំងធនធានមនុស្ស ផងដែរ ដែលក្រសួងស្ថាប័នមួយចំនួន បាននិងកំពុងចាប់អារម្មណ៍ យ៉ាងខ្លាំងទាក់ទងនឹងការផ្ទេរនេះ៕

អត្ថបទ៖ លាភ.