វៀតណាម មានបំណងធ្វើឱ្យព្រលានយន្តហោះថ្មីរបស់ខ្លួន ក្លាយជាមជ្ឈមណ្ឌលក្នុងតំបន់

2019-02-14 06:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ឧបនាយករដ្ឋមន្រ្តីវៀតណាម លោក Trinh Dinh Dung បានជំរុញឱ្យស្ថាប័នពាក់ព័ន្ធធ្វើការរួមគ្នាយ៉ាងជិតស្និទ្ធដើម្បីធានាថា ការសាងសង់ព្រលានយន្តហោះអន្តរជាតិ Long Thanh ក្នុងខេត្ត Dong Nai នឹងធ្វើឡើងនៅឆ្នាំក្រោយ។ ការជំរុញនេះ ធ្វើឡើងក្នុងកិច្ចប្រជុំមួយកាលពីថ្ងៃទី១២ ខែកុម្ភៈ ឆ្នាំ២០១៩ នៅក្រុងហាណូយ។

លោក Trinh Dinh Dung ថ្លែងនាពេលកន្លងមក

លោកនិយាយថា ព្រលានយន្តហោះថ្មីនេះ គួរតែក្លាយជាមជ្ឈមណ្ឌលអាកាសចរណ៍ថ្មីមួយ សម្រាប់តំបន់អាស៊ីអាគ្នេយ៍ ខណៈដែលព្រលានយន្តហោះ Tan Son Nhat នៅក្រុងហូជីមិញ នឹងមិនអាចទ្រទ្រង់អ្នកដំណើរដ៏ច្រើនលើសលុបបានទៀតឡើយ។

លោក Trinh Dinh Dung បានជំរុញឱ្យក្រសួងដឹកជញ្ជូន និងក្រុមហ៊ុនទីប្រឹក្សា ធានាបាននូវសុវត្ថិភាព ភាពងាយស្រួល គុណភាព ប្រសិទ្ធភាព សន្តិសុខ និងការការពារបរិស្ថាន នៅព្រលានយន្តហោះថ្មីនេះ។

ចំពោះគម្រោងនេះ លោកក៏បានអំពាវនាវឱ្យមានការចូលរួមវិនិយោគពីឯកជនផងដែរ ដើម្បីកាត់បន្ថយការចំណាយថវិការដ្ឋផងដែរ។

រូបគំរូព្រលានយន្តហោះ Long Thanh

បើតាមក្រុមហ៊ុនសាជីវកម្មព្រលានយន្តហោះវៀតណាម (ACV) ដែលប្រតិបត្តិការព្រលានយន្តហោះចំនួន២១ បានឱ្យដឹងថា ដំណាក់កាលទី១ នៃការសាងសង់ព្រលានយន្តហោះ Long Thanh គឺត្រូវចំណាយពី ១ ទៅ ១,៥ពាន់លានដុល្លារ លើផ្ទៃដី ១៨០០ហិកតា៕

ប្រភព៖ Vietnam News ប្រែសម្រួល៖ សំភី