អាមេរិក បញ្ជូនមីស៊ីលទៅកាន់ប្រទេសមួយនៅអាស៊ី
- 2019-02-14 07:09:05
- ចំនួនមតិ 0 | ចំនួនចែករំលែក 0
អាមេរិក បញ្ជូនមីស៊ីលទៅកាន់ប្រទេសមួយនៅអាស៊ី
ចន្លោះមិនឃើញ
សហរដ្ឋអាមេរិក បានបញ្ជូនមីស៊ីលបំពាក់កាំរស្មីឡាស៊ែរ ដែលមានតម្លៃ ១៦លានដុល្លារ ទៅដល់ប្រទេសលីបង់ កាលពីថ្ងៃទី១៣ ខែកុម្ភៈ ឆ្នាំ២០១៩ ក្នុងគោលបំណងបង្ហាញពីការប្ដេជ្ញាចិត្តដ៏រឹងមាំ របស់ក្រុងវ៉ាស៊ីនតោន សម្រាប់គាំទ្រកងទ័ពនៃប្រទេសនៅមជ្ឈិមបូព៌ាមួយនេះ។
សហរដ្ឋអាមេរិក បានផ្គត់ផ្គង់យោធាលីបង់ ស្មើនឹងទឹកប្រាក់ជាង ២,៣ ពាន់លានដុល្លារ ដោយគិតចាប់តាំងពីឆ្នាំ២០០៥ ដើម្បីដើរតួជាអ្នកការពារ លីបង់ ប្រឆាំងនឹងក្រុមឧទ្ទាមហេសបូឡាដែលមានការគាំទ្រពីប្រទេសអ៊ីរ៉ង់។
យោងតាមសេចក្ដីថ្លែងការណ៍របស់ស្ថានទូតអាមេរិកប្រចាំប្រទេសលីបង់ បានឲ្យដឹងថា មីស៊ីលទាំងនោះ នឹងត្រូវបំពាក់លើយន្តហោះចម្បាំងប្រភេទ A-29 Super Tucano ដែលខ្លួនបានផ្ដល់ឲ្យកងទ័ពលីបង់ នាពេលកន្លងទៅ៕