ឥណ្ឌូណេស៊ី៖ សិស្សដែលមានផ្ទុកមេរោគអេដស៍ ត្រូវបានបណ្តេញចេញពីសាលា
- 2019-02-15 06:24:48
- ចំនួនមតិ 0 | ចំនួនចែករំលែក 0
ឥណ្ឌូណេស៊ី៖ សិស្សដែលមានផ្ទុកមេរោគអេដស៍ ត្រូវបានបណ្តេញចេញពីសាលា
ចន្លោះមិនឃើញ
សិស្ស ១៤នាក់ដែលមានផ្ទុកមេរោគអេដស៍ ត្រូវបានបណ្តេញចេញពីសាលារដ្ឋមួយក្នុងប្រទេសឥណ្ឌូណេស៊ី ក្រោយមានការទាមទារពីឪពុកម្តាយរបស់សិស្សផ្សេងទៀត។ នេះបើតាមបញ្ជាក់របស់នាយកសាលា និងអង្គការក្នុងស្រុកដែលពាក់ព័ន្ធនឹងកុមារឆ្លងមេរោគអេដស៍ កាលពីសប្តាហ៍មុន។
លោក Karwi ដែលជានាយកអនុវិទ្យាល័យ Purwotomo ក្នុងក្រុង Solo ស្ថិតនៅភាគកណ្តាលខេត្ត Java បាននិយាយថា សិស្សទាំង១៤នាក់នេះ មិនត្រូវបានអនុញ្ញាតឱ្យចូលរៀនក្នុងសាលានេះ ចាប់តាំងពីដើមខែកុម្ភៈមក។ មូលហេតុគឺដោយសារតែ ឪពុកម្តាយរបស់សិស្សដទៃមានការបារម្ភថា កូនពួកគេ អាចនឹងឆ្លងមេរោគអេដស៍នេះ បើទោះបីជាមានការពន្យល់យ៉ាងណាក៏ដោយ។
យ៉ាងណាក្តី ភ្នាក់ងារអប់រំនៃក្រុង Solo កំពុងស្វែងរកសាលារៀនផ្សេងទៀត សម្រាប់សិស្សទាំង១៤នាក់នេះហើយ៕