ភេទទីបី ចូលរួមប្រជែងក្នុងការបោះឆ្នោតនាយករដ្ឋមន្ត្រី នៅថៃ

2019-02-15 07:03:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណបក្ស Mahachon នៅថៃ បានជ្រើសរើសបេក្ខភាពភេទទី៣ ដើម្បីចូលរួមក្នុងការបោះឆ្នោតនាយករដ្ឋមន្ត្រី ដែលគ្រោងធ្វើឡើងនៅខែក្រោយ។ បេក្ខភាពដែលជាភេទទី៣ នោះគឺ លោកស្រី Pinit Ngarmpring ដែលគាត់ជាអតីតនាយកប្រតិបត្តិក្រុមហ៊ុនមួយ និងជាអ្នកផ្សព្វផ្សាយកីឡាករម្នាក់ ក្នុងវិស័យបាល់ទាត់នៅប្រទេសថៃ។

លោកស្រី Pinit Ngarmpring មកពីគណបក្ស Mahachon (រូបថត៖ Bangkok Post)

លោកស្រី Pinit Ngarmpring ដែលមានវ័យ៥២ឆ្នាំ ជាបេក្ខភាពម្នាក់ ក្នុងចំណោមបេក្ខភាព ៣នាក់ មកពីគណបក្ស Mahachon សម្រាប់ការបោះឆ្នោត នាថ្ងៃទី២៤ ខែមីនា ឆ្នាំ២០១៩ខាងមុខ។

ក្នុងយុទ្ធនាការឃោសនាបោះឆ្នោតមួយ នៅតំបន់រកស៊ីផ្លូវភេទរបស់ភេទទី៣ នាក្រុងបាងកកក្នុងសប្ដាហ៍នេះ លោកស្រីបានថ្លែងថា លោកស្រីនឹងចូលរួមលើកកម្ពស់ក្រុមភេទទី៣ នៅក្នុងផ្នែកនយោបាយ និងលើកស្ទួយសមភាពរបស់ភេទទី៣ ក្នុងសង្គមថៃ។

គណបក្ស Mahachon ប្រកួតប្រជែងចំនួន ២០០កៅអី ក្នុងចំណោម ៥០០កៅអីក្នុងរដ្ឋសភាថៃ។ ក្នុងនោះ បក្សនេះ មានបេក្ខភាពដែលជាភេទទី៣ ប្រហែល ២០នាក់។

សូមជម្រាបថា លោកស្រី Pinit Ngarmpring បានកែភេទកាលពី ៣ឆ្នាំមុន។ មុននេះ លោកជាឪពុករបស់កូន ២នាក់ និងបានបង្កើតសមាគមអ្នកគាំទ្រកីឡាបាល់ទាត់មួយ ដែលមានភាពល្បីល្បាញ ក្នុងវិស័យបាល់ទាត់ថៃ៕

ប្រភព៖ Bangkokpost ប្រែសម្រួល៖ លាភ.