ព្រឹទ្ធាចារ្យ ផ្លុង មឿក បានទទួលមរណភាពហើយ
- 2019-02-15 09:07:32
- ចំនួនមតិ 0 | ចំនួនចែករំលែក 0
ព្រឹទ្ធាចារ្យ ផ្លុង មឿក បានទទួលមរណភាពហើយ
ចន្លោះមិនឃើញ
លោក ផ្លុង មឿក ព្រឹទ្ធាចារ្យចម្រៀងអាយ៉ៃ បានទទួលមរណភាពក្នុងជន្មាយុ ៨៦ឆ្នាំ កាលពីព្រឹកថ្ងៃទី១៥ ខែកុម្ភៈ ឆ្នាំ២០១៩ ដោយជម្ងឺរោគាពាធ។
សិល្បករបុរាណជាច្រើនរូប ដែលចងចាំស្នាដៃរបស់លោក បានចូលរួមសម្តែងការសោកស្តាយនៃការចាកចោលរបស់តារាចម្រៀងអាយ៉ៃរូបនេះ ដោយថ្លែងថា នេះជាការបាត់បង់ធនធានមនុស្សវប្បធម៌របស់ខ្មែរមានតម្លៃ។
សាច់ញាតិរបស់លោក ផ្លុង មឿក ក៏បញ្ជាក់ដែរថា សពព្រឹទ្ធាចារ្យចម្រៀងអាយ៉ៃរូបនេះ នឹងត្រូវយកទៅធ្វើបុណ្យតាមប្រពៃណីនៅវត្តស្វាយពពែរ មានទីតាំងនៅតាមបណ្ដោយមហាវិថីសម្ដេចព្រះសុធារស សង្កាត់ ទន្លេបាសាក់ ខណ្ឌចំការមន រាជធានីភ្នំពេញ។
គួររំលឹកថា ព្រឹទ្ធាចារ្យចម្រៀងអាយ៉ៃ លោកតា ផ្លុង មឿក ធ្លាក់ខ្លួនឈឺធ្ងន់ជាច្រើនឆ្នាំមកហើយ។ ឯភរិយារបស់លោកក៏បានទទួលមរណភាពកាលពីឆ្នាំ២០១៧ផងដែរ៕