ស្រីពៅ ទម្លាយឲ្យដឹងពីតម្លៃខ្លួន ក្នុងការប្រកួតដំបូងនៅ ONE Championship

2019-02-15 11:30:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាការិនីកម្ពុជា នៅ ស្រីពៅ បានព្រលយប្រាប់ថា ការប្រកួតលើកដំបូងនៅស្ថាប័ន ONE Championship គឺនាងទទួលបានតម្លៃខ្លួន ខ្ទង់ ៣ពាន់ដុល្លារអាមេរិក ពោលគឺតម្លៃខ្លួនខ្ពស់បំផុត បើធៀបការប្រកួតកន្លងមករបស់នាង។

នៅក្នុងបទសម្ភាសន៍ជាមួយអ្នកសារព័ត៌មាន នៅទីក្រុងបាងកក នាថ្ងៃទី១៥ ខែកុម្ភៈនេះ ស្រីពៅ បានឲ្យដឹងថា ប្រាក់ចំណូលពីការចេញទៅប្រកួតនៅក្រៅប្រទេសនេះ បានរួមចំណែកជួយជីវភាពរបស់គ្រួសារបានយ៉ាងច្រើន។

នៅ ស្រីពៅ ផ្ដល់បទសម្ភាសន៍ជាមួយអ្នកកាសែត

ស្រីពៅ បានបន្ថែមថា កាលពីដើមឡើយ គ្រួសាររបស់នាង មានជីវភាពលំបាកយ៉ាប់យ៉ឺនខ្លាំងណាស់ តែក្រោយនាងចូលប្រឡូកក្នុងវិស័យប្រដាល់ រហូតមានឈ្មោះចេញទៅប្រកួតក្រៅប្រទេស ធ្វើឲ្យជីវភាពហាក់ប្រសើរជាងមុន។

សូមបញ្ជាក់ថា នៅ ស្រីពៅ ដែលជាកីឡាការិនីមកពីក្លឹប Cambodian Top Team នឹងត្រូវប្រកួត MMA ទល់នឹងកីឡាការិនីម្ចាស់ផ្ទះថៃ Rika Ishige នៅក្នុងកម្មវិធី ONE: CLASH OF LEGENDS នារាត្រីថ្ងៃទី១៦ ខែកុម្ភៈ ឆ្នាំ២០១៩។ ការប្រកួតចាប់ផ្ដើមពីម៉ោង ៧យប់តទៅ (ស្រីពៅ ជាគូទី២) ដោយមានផ្សាយបន្តផ្ទាល់តាមរយៈទំព័រហ្វេសប៊ុក, YouTube និង App របស់ ONE Championship៕

អត្ថបទទាក់ទង៖ ឡៅ ចិត្រា សង្ឃឹមឈ្នះ ៧៥% ខណៈស៊ុបភើលែក សង្ឃឹមឈ្នះ ៩០%

អត្ថបទ៖ សុខ សុវត្ថិ