កីឡាករថៃម្នាក់ទៀត ក្លាយជាម្ចាស់ឈ្នះខ្សែក្រវាត់ពិភពលោក នៅ ONE Championship

2019-02-18 06:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកប្រដាល់ថៃ Nong-O Gaiyanghadao បានក្លាយជាម្ចាស់ខ្សែក្រវាត់ប្រដាល់សេរីពិភពលោករបស់ ONE Championship ប្រភេទទម្ងន់ Bantamweight ក្រោយយកឈ្នះអ្នកប្រដាល់ចិន Han Zi Hao ក្នុងព្រឹត្តិការណ៍ ONE: CLASH OF LEGENDS នៅទីក្រុងបាងកក ប្រទេសថៃ កាលពីថ្ងៃទី១៦ ខែកុម្ភៈ ឆ្នាំ២០១៩។

Nong-O ឈ្នះខ្សែក្រវាត់ពិភពលោករបស់ ONE Championship (រូបភាព៖ ONE Championship)

ជ័យជម្នះនេះ ធ្វើឲ្យ Nong-O ក្លាយជាកីឡាករថៃទី៣ ដែលបានឈ្នះខ្សែក្រវាត់ពិភពលោកនៅ ONE Championship ពោលគឺបន្ទាប់ពីកីឡាករ Sam-A Gaiyanghadao ឈ្នះខ្សែក្រវាត់ប្រភេទទម្ងន់ Flyweight និងកីឡាការិនី Stamp Fairtex ឈ្នះខ្សែក្រវាត់ប្រភេទទម្ងន់ Atomweight។

លទ្ធផលគូផ្សេងទៀត នៅក្នុងព្រឹត្តិការណ៍ ONE: CLASH OF LEGENDS រួមមានដូចខាងក្រោម៖

កីឡាករថៃ Kongsak P.K.Saenchaimuaythaigym ឈ្នះកីឡាកររុស្ស៊ី Alaverdi Ramazanov ដោយពិន្ទុមិនឯកច្ឆន្ទ (ប្រដាល់សេរី)

កងសាក់ ដាល់កីឡាកររុស្ស៊ី (រូបភាព៖ ONE Championship)

កីឡាករជប៉ុន Shuya Kamikubo ឈ្នះកីឡាករកូរ៉េខាងត្បូង Dae Hwan Kim ដោយពិន្ទុជាឯកច្ឆន្ទ (យុទ្ធគុនចម្រុះ)
កីឡាករនូវែលហ្សេឡង់ Mark Fairtex Abelardo ឈ្នះកីឡាករជប៉ុន Daichi Takenaka ក្នុងទឹកទី៣ (យុទ្ធគុនចម្រុះ)
កីឡាករម៉ុងហ្គោលី Amarsanaa Tsogookhuu ឈ្នះកីឡាករថៃ Shannon Wiratchai ដោយពិន្ទុជាឯកច្ឆន្ទ (យុទគុនចម្រុះ)
កីឡាករថៃ Jo Nattawut ឈ្នះកីឡាករបារាំង Samy Sana ដោយពិន្ទុជាឯកច្ឆន្ទ (ប្រដាល់សេរី)
កីឡាការិនីហ្វីលីពីន Gina Iniong ឈ្នះពិន្ទុកីឡាការិនីម៉ាឡេស៊ី Jihin Radzuan ដោយពិន្ទុមិនឯកច្ឆន្ទ (យុទ្ធគុនចម្រុះ)
កីឡាករថៃ Superlek Kiatmoo9 ឈ្នះកីឡាករកម្ពុជា ឡៅ ចិត្រា ដោយពិន្ទុជាឯកច្ឆន្ទ (ប្រដាល់សេរី)

ស៊ុបភើលែក និងឡៅ ចិត្រា (រូបភាព៖ ONE Champoinship)

កីឡាករថៃ Chamuaktong Fightermuaythai ឈ្នះកីឡាករអង់គ្លេស Charlie Peters ដោយពិន្ទុមិនឯកច្ឆន្ទ (ប្រដាល់សេរី)
កីឡាករជប៉ុន Yoshiki Nakahara ឈ្នះកីឡាករអាមេរិក Emilio Urrutia ក្នុងទឹកទី២ (យុទ្ធគុនចម្រុះ)
កីឡាការិនីកម្ពុជា នៅ ស្រីពៅ ឈ្នះកីឡាការិនីថៃ Rika Ishige ដោយពិន្ទុជាឯកច្ឆន្ទ (យុទ្ធគុនចម្រុះ)