បន្ទាប់ពីចិត្រា និងស្រីពៅ នៅមានកីឡាករកម្ពុជា ២រូបទៀត បង្ហាញខ្លួននៅសង្វៀន ONE សប្ដាហ៍នេះ

2019-02-18 12:21:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីឡៅ ចិត្រា និងនៅ ស្រីពៅ បង្ហាញខ្លួននៅក្នុងសង្វៀន ONE នៅប្រទេសថៃកាលពីសប្ដាហ៍មុនរួចមក កីឡាករកម្ពុជា ២រូបទៀត នឹងត្រូវបង្ហាញខ្លួនក្នុងសង្វៀន ONE Championship នៅប្រទេសសិង្ហបុរី គឺកីឡាករខុន ស៊ីចាន់ និងគង់ សំបូរ។

កីឡាករកម្ពុជាទាំង២រូបនេះ នឹងប្រកួតក្នុងព្រឹត្តិការណ៍ ONE: CALL TO GREATNESS នាថ្ងៃស្រុក ទី២២ ខែកុម្ភៈខាងមុខនេះ។

ខុន ស៊ីចាន់ មកពីក្លឹប Phnom Penh MMA នឹងត្រូវប្រកួតយុទ្ធគុនចម្រុះ (MMA) ទល់នឹងកីឡាករមិនធ្លាប់ចាញ់របស់ឥណ្ឌូណេស៊ី RUDY AGUSTIAN។ ស៊ីចាន់ ធ្លាប់ប្រកួត MMA ៥ដង (ឈ្នះ ៣ដង ចាញ់ ២ដង) ប៉ុន្តែទើបប្រឡូកនៅ ONE Championship តែ២ដងប៉ុណ្ណោះ (ឈ្នះ ១ ចាញ់ ១)។ ប្រកួតចុងក្រោយស៊ីចាន់ ឈ្នះកីឡាករឥណ្ឌូណេស៊ី Riski Umar ដោយពិន្ទុ កាលពីខែមីនា ឆ្នាំ២០១៨។ ចំណែក Rudy Agustian ទើបប្រកួតនៅ ONE ២ដងដែរ ប៉ុន្តែឈ្នះទាំង២ ដង។ ប្រកួតចុងក្រោយកាលពីខែវិច្ឆិកា ឆ្នាំ២០១៨ កីឡាកររូបនេះ ឈ្នះកីឡាករបង់ក្លាដែស Asraful Islam ដោយពិន្ទុ។

ខុន ស៊ីចាន់ ពេលប្រកួតឈ្នះ Riski Umar កាលពីឆ្នាំមុន (រូបភាព៖ ONE Championship)

ចំណែកកីឡាករគុនខ្មែរ គង់ សំបូរ នឹងត្រូវប្រកួតប្រដាល់សេរី ទល់នឹងកីឡាករចិន Zhang Chenglong ដែលមានរហស្សនាមថា ""Muay Thai Boy"។ គង់ សំបូរ ដែលហ្វឹកហាត់នៅក្លឹប Kingdom Fight Gym ក្នុងខេត្តសៀមរាប មិនធ្លាប់ប្រឡូកក្នុងសង្វៀនអន្តរជាតិដ៏ធំដូច ONE នោះទេ ប៉ុន្តែកីឡាកររូបនេះ មានបទពិសោធន៍ជោគជាំក្នុងសង្វៀនក្នុងស្រុក។ ចំណែកកីឡាករចិន Zhang Chenglong ធ្លាប់ប្រឡូកក្នុងសង្វៀនអន្តរជាតិច្រើនគួរសម ជាពិសេសគឺនៅក្នុងសង្វៀន Glory។ កីឡាករនេះ មានប្រវត្តិប្រកួតឈ្នះ ៤៧ដង ចាញ់ ៨ដង និងស្មើ ម្ដង។