រជ្ជទាយាទប្រទេសសេដ្ឋីប្រេង គ្រោងចាប់ដៃគូជាមួយ Man Utd

2019-02-18 07:24:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រាជទាយាទ Mohammed Bin Salman របស់ប្រទេសអារ៉ាប៊ីសាអ៊ូឌីត មានបំណងក្នុងការសហការជាដៃគូ ជាមួយក្លឹបបាល់ទាត់នៅចក្រភពអង់គ្លេស Manchester United តាមរយៈការឧបត្ថម្ភមួយ។ នេះបើយោងតាមការបញ្ជាក់ពីរដ្ឋមន្ត្រីព័ត៌មានរបស់អារ៉ាប៊ីសាអ៊ូឌីត នៅថ្ងៃនេះ។

រាជទាយាទ Mohammed Bin Salman របស់ប្រទេសអារ៉ាប៊ីសាអ៊ូឌីត (រូបថត៖ Reuters)

លោករដ្ឋមន្ត្រី Turki al-Shabanah បានច្រានចោលព័ត៌មានទាំងឡាយណា ដែលបានចុះផ្សាយថា រាជទាយាទអារ៉ាប៊ីសាអ៊ូឌីត មានបំណងទិញយកក្លឹបបិសាចក្រហម Man Utd ពីគ្រួសារ Glazer ដែលបានគ្រប់គ្រងក្លឹបនេះជាច្រើនជំនាន់មកហើយ។

នៅថ្ងៃចន្ទ ទី១៨កុម្ភៈនេះ លោករដ្ឋមន្ត្រីព័ត៌មានបានបញ្ជាក់ថា មន្ត្រីរបស់មូលនិធិសម្រាប់វិនិយោគសាធារណៈរបស់អារ៉ាប៊ីសាអ៊ូឌីត បានជួបជាមួយមន្ត្រីក្លឹបខាងលើ ដើម្បីពិភាក្សាពីការផ្ដល់ប្រាក់ឧបត្ថម្ភមួយ។ ក៏ប៉ុន្តែ ជំនួបនេះមិនទាន់ចេញជាផ្លែផ្កាណាមួយនៅឡើយទេ។

សូមរំឭកថា កាលពីថ្ងៃទី១៧ ខែកុម្ភៈ ឆ្នាំ២០១៩ សារព័ត៌មាន The Sun នៅអង់គ្លេស បានចុះផ្សាយថា រាជទាយាទអារ៉ាប៊ីសាអ៊ូឌីត មានបំណងទិញយកក្លឹប Man Utd ក្នុងតម្លៃ ៣,៨ ពាន់លានផោន ឬ ៤,៩ ពាន់លានដុល្លារអាមេរិក៕

ប្រភព៖ Reuters ប្រែសម្រួល៖ លាភ.