គ្រូ U22 កម្ពុជាថា ការប្រកួតបន្ទាប់ជាមួយមីយ៉ាន់ម៉ា និងឥណ្ឌូណេស៊ី គ្មានអ្វីគួរឱ្យបារម្ភច្រើនទេ

2019-02-19 05:39:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Felix គ្រូបង្វឹកក្រុមជម្រើសជាតិកម្ពុជាអាយុក្រោម ២២ឆ្នាំថ្លែងថា លោកមិនមានក្ដីកង្វល់ច្រើនទេ សម្រាប់ការប្រកួតបន្ទាប់ជាមួយក្រុម U22 មីយ៉ាន់ម៉ា នាថ្ងៃទី២០ ខែកុម្ភៈ ឆ្នាំ២០១៩ស្អែកនេះ ពីព្រោះក្រុមលោក បានត្រៀមខ្លួនរួចជាស្រេច។ ការអះអាងនេះ ធ្វើឡើងក្នុងសន្និសីទសារព័ត៌មានក្រោយយកឈ្នះ U22 ម៉ាឡេស៊ី ក្នុងលទ្ធផល ១-០ នៃពាន AFF U22 Championship 2019 កាលពីយប់មិញ។

គ្រូបង្វឹករូបនេះបាននិយាយថា កម្ពុជាបានត្រៀមខ្លួនជាស្រេចជាមួយកីឡាករ២៣នាក់ដែលសុទ្ធតែល្អៗ។ បើទោះមានបញ្ហាកីឡាកររបួសខ្លះមែន ប៉ុន្តែមិនមានបញ្ហាអ្វីចោទទេ។

លោកយល់ថា ក្រុមមីយ៉ាន់ម៉ា និងឥណ្ឌូណេស៊ី សុទ្ធតែជាក្រុមខ្លាំង ប៉ុន្តែលោកក៏បានទស្សនាការប្រកួតរបស់ក្រុមទាំងពីររួចហើយដែរ ហើយលោកក៏បានត្រៀមខ្លួនរួចជាស្រេចក្នុងការលេងជាមួយក្រុមខ្លាំង។

ជាមួយនឹងជ័យជម្នះកាលពីយប់មិញ លោក Felix បានបង្ហាញការសប្បាយចិត្ត និងសង្ឃឹមថា ក្រុមកម្ពុជា នឹងអាចរក្សាទម្រង់លេងបានល្អនៅប្រកួតបន្ទាប់។ សូមបញ្ជាក់ថា ក្រុម U22កម្ពុជា យកបាន៣ពិន្ទុហើយក្នុងពូល B នៃព្រឹត្តិការណ៍ខាងលើ ដូច្នេះគឺកំពុងកាន់កាប់កំពូលតារាងបណ្ដោះអាសន្ន ស្របពេលមីយ៉ាន់ម៉ា និងឥណ្ឌូណេស៊ីមានម្នាក់១ពិន្ទុបន្ទាប់ពីស្មើគ្នា១-១៕

សូមទស្សនាទិដ្ឋភាពនៃការប្រកួតរវាង U22 កម្ពុជា និង U22 ម៉ាឡេស៊ី យប់មិញ នៅពហុកីឡដ្ឋានជាតិ៖