Galaxy S10 នឹងបង្ហាញខ្លួនជាផ្លូវការ នៅយប់នេះ
- 2019-02-20 07:15:42
- ចំនួនមតិ 0 | ចំនួនចែករំលែក 0
Galaxy S10 នឹងបង្ហាញខ្លួនជាផ្លូវការ នៅយប់នេះ
ចន្លោះមិនឃើញ
អ្នកគាំទ្រជុំវិញពិភពលោក កំពុងធ្វើការរាប់ថយក្រោយនៃវត្តមានកំពូលស្មាតហ្វូនរបស់ក្រុមហ៊ុនបច្ចេកវិទ្យាយក្ស Samsung គឺ Galaxy S10 ។
ថ្មីៗនេះ វីដេអូ Teaser ថ្មីមួយនៅក្នុងវេបសាយផ្លូវការរបស់ក្រុមហ៊ុន Samsung បានបង្ហោះចេញជាមួយនឹងលេខ ១០ ព្រមទាំងកាលបរិច្ឆេទនៃការបង្ហាញទូរសព្ទដៃស្មាតហ្វូនជំនាន់ថ្មីរបស់ត្រកូល Galaxy ស៊េរីទំនើបចុងក្រោយប្រចាំឆ្នាំ ២០១៩ ដែលនឹងបង្ហាញជាផ្លូវការនាពេលឆាប់ៗនេះនៅក្នុងទីក្រុងសាន់ហ្រ្វាន់ស៊ីស្កូ (San Francisco) រដ្ឋកាលីហ្វ័រញ៉ា សហរដ្ឋអាមេរិក នៅថ្ងៃពុធ ទី២០ កុម្ភៈ ត្រូវនឹងថ្ងៃ ទី២១ កុម្ភៈម៉ោង ២យប់ នៅប្រទេសកម្ពុជា។
ការបង្ហាញលេខ ១០ ធំៗនៅក្នុងវីដេអូ គឺចង់បញ្ជាក់ពីការអបអរសាទរខួប ១០ឆ្នាំ របស់ Samsung Galaxy ផងដែរ។ ដូច្នេះអ្នកគាំទ្រ Samsung ទាំងអស់កំពុងរង់ចាំមើលថាតើទូរសព្ទដៃស្មាតហ្វូន Galaxy ជំនាន់ថ្មីនេះ នឹងភ្ជាប់មកជាមួយលក្ខណៈពិសេសអ្វីខ្លះ?
ចង់ដឹងច្បាស់ថាតើ Galaxy ស៊េរីទំនើបចុងក្រោយមានរូបរាងពិត និងលក្ខណៈសម្បត្តិអស្ចារ្យកម្រិតណានោះ សូមកុំភ្លេចតាមដានទស្សនាការផ្សាយផ្ទាល់ពីទីក្រុងញូវយ៉កនាយប់នេះ តាមរយៈបណ្តាញសង្គមដូចខាងក្រោម៖
វេបសាយផ្លូវការ របស់ក្រុមហ៊ុន Samsung៖ http://www.samsung.com/global/galaxy/events/unpacked/
ទំព័រហ្វេសប៊ុក ផ្លូវការរបស់ក្រុមហ៊ុន Samsung៖ https://www.facebook.com/SamsungCambodia/?ref=br_rs
ទំព័រហ្វេសប៊ុក ផ្លូវការរបស់សារព័ត៌មាន Sabay៖ https://www.facebook.com/SabayNewsOfficial/