Juventus រងបរាជ័យ ខណៈ Ronaldo និយាយពាក្យមួយឃ្លាទៅ At. Madrid
- 2019-02-21 01:53:39
- ចំនួនមតិ 0 | ចំនួនចែករំលែក 0
Juventus រងបរាជ័យ ខណៈ Ronaldo និយាយពាក្យមួយឃ្លាទៅ At. Madrid
ចន្លោះមិនឃើញ
ក្លឹបបាល់ទាត់ Juventus បានទទួលបរាជ័យ ក្រោមថ្វីជើងក្លឹប Atletico Madrid ដោយលទ្ធផល ២-០ នៅជើងទី១ វគ្គ១៦ក្រុមចុងក្រោយ ពានរង្វាន់ UEFA Champions League កាលពីយប់មិញ។ ក្រោយចប់ការប្រកួត ខ្សែប្រយុទ្ធ Cristiano Ronaldo បង្ហាញកាយវិការមួយ ប្រាប់ទៅកាន់អ្នកគាំទ្រនៅកីឡដ្ឋាន Wanda Metripolitano របស់ At. Madrid ។
At. Madrid ធ្វើការនាំមុខក្រុមភ្ញៀវ Juventus ពីកីឡាករ Jose Gimenez និង Diego Godin ខណៈ Ronaldo ត្រឡប់មកកាន់ទឹកដីអេស្ប៉ាញសាជាថ្មី បន្ទាប់ពីផ្លាស់ពីក្លឹប Real Madrid ។ កីឡាករសញ្ជាតិព័រទុយហ្គាល់នេះ បានបង្ហាញកាយវិការថា ខ្លួនធ្លាប់ឈ្នះពានរង្វាន់ UEFA Champions League ៥សម័យ ឯ At. Madrid សូន្យ។
«ខ្ញុំមានពាន Champions League ៥, ពួកអ្នក (Atletico) មានសូន្យ»។ Ronaldo និយាយទៅកាន់អ្នកគាំទ្ររបស់ម្ចាស់ផ្ទះ។
Ronaldo ដែលមានវ័យ ៣៤ឆ្នាំ ធ្លាប់ឈ្នះ Champions League ១សម័យ ជាមួយក្លឹប Manchester United កាលពីឆ្នាំ២០០៨ និង ឈ្នះ ៤សម័យទៀត ជាមួយ Real Madrid ក្នុងនោះ ឈ្នះ ២ដងនៅវគ្គផ្តាច់ព្រ័ត្រ ទល់នឹង At. Madrid នៅឆ្នាំ២០១៤ និង ២០១៦។
សូមបញ្ជាក់ថា Ronaldo ក៏ជាកីឡាករដែលស៊ុតបញ្ចូលទីបានច្រើនជាងគេ នៅ Champions League ផងដែរ ដោយមាន ១២១ គ្រាប់៕