ប្រកួត កម្ពុជា-ឥណ្ឌូណេស៊ី និងម៉ាឡេស៊ី-មីយ៉ាន់ម៉ា មាន១គូ លេងនៅកីឡដ្ឋាន RSN

2019-02-22 01:47:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការប្រកួតចុងក្រោយ នៃពូល B ពានរង្វាន់ AFF U22 Championship 2019 នាល្ងាចនេះ មាន២គូ ដែលនឹងធ្វើការប្រកួតដំណាលគ្នា និងជាការសម្រេចជោគវាសនា របស់ក្រុម ៣ គឺ ឥណ្ឌូណេស៊ី ម៉ាឡេស៊ី និងមីយ៉ាន់ម៉ា ក្នុងការដណ្ដើមយកចំណាត់ថ្នាក់លេខ២ ប្រចាំពូលនេះ ដើម្បីឡើងទៅវគ្គបន្ត ខណៈ កម្ពុជា បានឈរនៅលេខ១ រួចជាស្រេច។

កត្តានេះ តម្រូវឲ្យការប្រកួតទាំង២គូ ត្រូវធ្វើនៅម៉ោងដំណាលគ្នា ពោលគឺម៉ោង ៦:៣០ នាទីល្ងាច ដោយ កម្ពុជា ប៉ះ ឥណ្ឌូណេស៊ី ធ្វើឡើងនៅពហុកីឡដ្ឋានជាតិ ស្របពេលដែល មីយ៉ាន់ម៉ា ប៉ះ ម៉ាឡេស៊ី ប្រព្រឹត្តទៅនាកីឡដ្ឋាន RSN របស់ក្លឹបបាល់ទាត់ភ្នំពេញក្រោន។

បច្ចុប្បន្ន កម្ពុជា បានកក់កៅអីវគ្គពាក់កណ្ដាលផ្តាច់ព្រ័ត្រ រួចជាស្រេច ដោយឈរនៅចំណាត់ថ្នាក់លេខ១ ចំណែក ឥណ្ឌូណេស៊ី ឈរនៅលេខ២ បណ្ដោះអាសន្ន មាន ២ពិន្ទុ ម៉ាឡេស៊ី ឈរលេខ៣ មាន ១ពិន្ទុ និង មីយ៉ាន់ម៉ា ឈរលេខ៤ មាន ១ពិន្ទុ។ យ៉ាងណាមិញ ម៉ាឡេស៊ី មានគ្រាប់បាល់ចំណេញច្រើនជាង មីយ៉ាន់ម៉ា ១គ្រាប់៕