រកឃើញមូលហេតុ ដែលប្រជាជនសិង្ហបុរី គោរពច្បាប់ចរាចរណ៍បំផុត

2019-02-22 02:41:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សិង្ហបុរី អាចចាត់ទុកជាប្រទេសមួយ ដែលប្រជាជនមានការគោរពបំផុតនូវច្បាប់ចរាចរណ៍ នៅអាស៊ីអាគ្នេយ៍ ហើយម្យ៉ាងទៀត ដោយសារកត្តាប្រាក់ផាកពិន័យដ៏ច្រើន ក៏ជំរុញឲ្យពួកគេមិនហ៊ានប្រព្រឹត្តល្មើសច្បាប់ផងដែរ។ ជាក់ស្ដែង ចាប់ពីខែមេសាខាងមុខនេះ សិង្ហបុរី នឹងដំឡើងថ្លៃផាកពិន័យ ចំពោះអ្នកបើកបរដែលល្មើសនឹងច្បាប់ចរាចរណ៍។

បើតាមច្បាប់ចរាចរណ៍ផ្លូវគោកថ្មី ដែលនឹងចូលជាធរមាននៅថ្ងៃទី១ ខែមេសា ឆ្នាំ២០១៩ ការពិន័យមួយចំនួនចំពោះអ្នកបើកបរដែលល្មើសច្បាប់ មានដូចខាងក្រោម៖

មិនគោរពភ្លើងក្រហម៖ ផាកពិន័យ ២០០ដុល្លារសិង្ហបុរី ដល់ ៥០០ដុល្លារសិង្ហបុរី (ជិត ១៥០ដុល្លារអាមេរិក ដល់ជិត ៣៧០ដុល្លារអាមេរិក) អាស្រ័យលើប្រភេទយានយន្ត។

បើកបរមិនពាក់ខ្សែក្រវាត់៖ ពិន័យជិត ៩០ដុល្លារអាមេរិក ដល់ជិត ១៥០ដុល្លារអាមេរិក អាស្រ័យលើប្រភេទយានយន្ត។
បើកឆ្លងគំនូសឆ្នូតស ២៖ ផាកពិន័យពី ៩៥ដុល្លារអាមេរិក ដល់ជិត ១៥០ដុល្លារអាមេរិក អាស្រ័យលើប្រភេទយានយន្ត។
បត់អក្សរ U ខុសច្បាប់៖ ពិន័យពីជាង ៥០ដុល្លារអាមេរិក ដល់ជាង ១១០ដុល្លារអាមេរិក។
បើកបរដោយគ្មានការយោគយល់ គិតគូរអ្នកដទៃដែលប្រើប្រាស់ផ្លូវ៖ ផាកពិន័យពី ១២៥ដុល្លារអាមេរិក ដល់ ២៩៥ ដុល្លារអាមេរិក។

បើតាមសេចក្ដីប្រកាសរបស់ក្រសួងកិច្ចការផ្ទៃក្នុងសិង្ហបុរី កាលពីថ្ងៃទី២១ កុម្ភៈ បានឲ្យដឹងថា ការដំឡើងថ្លៃផាកពិន័យនេះ គឺដើម្បីពង្រឹងច្បាប់ចរាចរណ៍ និងកាត់បន្ថយការល្មើសច្បាប់ ដោយអ្នកបើកបរដែលមិនមានទំនួលខុសត្រូវ៕