សមត្ថកិច្ច ដុតបំផ្លាញសាប៊ូលាងខ្លួនម៉ាក SUNNY ក្លែងក្លាយ
- 2019-02-22 07:31:23
- ចំនួនមតិ 0 | ចំនួនចែករំលែក 0
សមត្ថកិច្ច ដុតបំផ្លាញសាប៊ូលាងខ្លួនម៉ាក SUNNY ក្លែងក្លាយ
ចន្លោះមិនឃើញ
នាយកដ្ឋាននគរបាលប្រឆាំងបទល្មើសសេដ្ឋកិច្ច នៃអគ្គស្នងការដ្ឋាននគរបាលជាតិ សហការជាមួយមន្ត្រីសាខាកាំកុងត្រូល មន្ត្រីក្រសួងសុខាភិបាល និងអាជ្ញាធរមូលដ្ឋាន បានដុតបំផ្លាញចោលសម្ភារៈវត្ថុតាងសាប៊ូលាងខ្លួនម៉ាក SUNNY ក្លែងក្លាយ និងវត្ថុធាតុដើមសម្រាប់ផលិតគ្រឿងសម្អាងខុសច្បាប់ សរុបចំនួន ១៤មុខ ប្រហែល ៨តោន កាលពីរសៀលថ្ងៃទី២១ ខែកុម្ភៈ ឆ្នាំ២០១៩ ។
ការដុតបំផ្លាញនេះ គឺអនុវត្តតាមសាលក្រមរបស់សាលាដំបូងរាជធានីភ្នំពេញ នៅទីលានចាក់សំរាមបឹងជើងឯក សង្កាត់ដង្កោ ខណ្ឌដង្កោ រាជធានីភ្នំពេញ។
សូមជម្រាបថា សម្ភារវត្ថុតាង សាប៊ូលាងខ្លួនម៉ាក SUNNY ក្លែងក្លាយ និងវត្ថុធាតុដើមសម្រាប់ផលិតគ្រឿងសម្អាងខុសច្បាប់នេះ ត្រូវសមត្ថកិច្ចបង្ក្រាបបានកាលពីថ្ងៃទី២៥ ខែសីហា ឆ្នាំ២០១៨ នៅចំណុចឃ្លាំងលេខ៨៧ ផ្លូវបេតុង ភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ៕