កាសែតវៀតណាម៖ អាជីវកម្មវៀតណាមជាង៥០០ ឈ្នះពានរង្វាន់ ទំនិញគុណភាពខ្ពស់

2019-02-22 08:40:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមសារព័ត៌មាន Vietnam News ចុះផ្សាយថ្ងៃទី២២ ខែកុម្ភៈ ឆ្នាំ២០១៩នេះ បានឲ្យដឹងថា អាជីវកម្មវៀតណាមចំនួន ៥៤២ បានឈ្នះពានរង្វាន់ទំនិញដែលមានគុណភាពខ្ពស់ប្រចាំឆ្នាំ ក្នុងពិធីមួយនៅក្រុងហូជីមិញ។

Vietnam News ឲ្យដឹងថា អាជីវកម្មទាំងនោះ ធ្វើផលិតផលដូចជា ទឹកជ្រលក់ គ្រឿងទេស ម្ហូបអាហារ ភេសជ្ជៈគ្មានជាតិស្រវឹង គ្រឿងកែសម្ផស្ស គ្រឿងអលង្ការ ឧបករណ៍ប្រើប្រាស់ក្នុងលំនៅឋាន និងផលិតផលទឹកដោះគោ កសិកម្ម ឱសថ ព្រមទាំងអាហារស្ងួត អាហារងាយចម្អិនជាដើម។

ប្រភពបន្តថា ពិធីប្រគល់ពានរង្វាន់ប្រចាំឆ្នាំនេះ ត្រូវបានធ្វើឡើងដោយសមាគមជំនួញផលិតផលវៀតណាមដែលមានគុណភាពខ្ពស់ ក្រោមអធីបតីភាពថ្នាក់ដឹកនាំនានារបស់វៀតណាម ដោយនេះជាការប្រារព្ធពិធីលើកទី២៣។

ពានរង្វាន់ផ្ដល់ជូន អាស្រ័យលើការស្ទង់មតិដោយការសម្ភាស ប្រជាជន ១២០០០គ្រួសារ និងអ្នកលក់ ៥៤០០នាក់ នៅក្នុងខេត្ត ក្រុង សំខាន់ៗចំនួន ១២ ព្រមទាំងការស្ទង់មតិអនឡាញ ដោយ App ដែលទទួលបានការឆ្លើយតបប្រហែល ៤០០០ ដង៕

អត្ថបទ៖ លាភ.