អ៊ីស្រាអែល ឯកភាពនឹងមហាយក្សឥណ្ឌា លក់ដ្រូនតម្លៃ ៥០០លានដុល្លារ
- 2019-02-25 03:20:39
- ចំនួនមតិ 0 | ចំនួនចែករំលែក 0
អ៊ីស្រាអែល ឯកភាពនឹងមហាយក្សឥណ្ឌា លក់ដ្រូនតម្លៃ ៥០០លានដុល្លារ
ចន្លោះមិនឃើញ
ក្រុមហ៊ុន (Israel Aerospace Industries) របស់ប្រទេសអ៊ីស្រាអែល បានយល់ព្រមលក់យន្តហោះដ្រូន ប្រភេទ Heron ចំនួន ៥០គ្រឿង ទៅឲ្យក្រសួងការពារជាតិប្រទេសឥណ្ឌា ក្នុងទឹកប្រាក់ជាង ៥០០លានដុល្លារអាមេរិក។ នេះបើយោងតាមការចុះផ្សាយរបស់សារព័ត៌មានក្នុងស្រុក Yedioth Ahronoth កាលពីថ្ងៃទី២៤ ខែកុម្ភៈ ឆ្នាំ២០១៩។
ដ្រូន Heron ជាប្រភេទ ដ្រូនដឹកទំនិញដែលអាចផ្ទុកដល់ ៤៧០គីឡូក្រាម មានសមត្ថភាពហោះហើរជាង ៤៥ម៉ោង កម្ពស់ ៣៥០០០ហ្វ៊ីត (១០,៦គីឡូម៉ែត្រពីដី)។ វាអាចហោះបានចម្ងាយ ៣៥០គីឡូម៉ែត្រ។ Heron មានទទឹង ១៦,៦ម៉ែត្រ និងបណ្ដោយ ៨,៥ម៉ែត្រ។
គួរបញ្ជាក់ថា បច្ចុប្បន្ន Heron ត្រូវបានប្រទេសអ៊ីស្រាអែល ប្រើប្រាស់ក្នុងបេសកកម្មឈ្លបការណ៍។ ប្រទេសដែលកំពុងប្រើប្រាស់ Heron មានដូចជា បារាំង តួកគី កាណាដា អូស្ត្រាលី និងម៉ារ៉ុក។
ក្រុមហ៊ុន Israel Aerospace Industries ជារបស់រដ្ឋអ៊ីស្រាអែល ដែលត្រូវបានបង្កើតឡើងកាលពីឆ្នាំ១៩៥៣។ ក្រុមហ៊ុននេះ ល្បីខាងផ្គត់ផ្គង់បច្ចេកវិទ្យា និងប្រព័ន្ធសម្រាប់ធ្វើសង្គ្រាមលើគោក អាកាស ទឹក អវកាស និងក្នុងបណ្ដាញអ៊ីនធឺណិត៕