អាជ្ញាធរជាតិអប្សរា កំពុងរូតរះបញ្ចូលទឹក ទៅក្នុងកសិន្ធុប្រាសាទអង្គរវត្ត
- 2019-02-25 09:18:16
- ចំនួនមតិ 0 | ចំនួនចែករំលែក 0
អាជ្ញាធរជាតិអប្សរា កំពុងរូតរះបញ្ចូលទឹក ទៅក្នុងកសិន្ធុប្រាសាទអង្គរវត្ត
ចន្លោះមិនឃើញ
អាជ្ញាធរជាតិអប្សរា កំពុងប្រមូលទឹកដែលហូរបន្តិចបន្តួចបញ្ចូលក្នុងកសិន្ធុប្រាសាទអង្គរវត្ត ដើម្បីធានាឲ្យបរិមាណទឹកគ្រប់គ្រាន់ ក្នុងការរក្សាលំនឹងប្រាសាទ ក៏ដូចជាសោភ័ណភាពប្រាសាទអង្គរវត្ត។
បើយោងតាមអាជ្ញាធរជាតិអប្សរា ទឹកមានតួនាទីសំខាន់ណាស់ ក្នុងកិច្ចការអភិរក្សប្រាសាទ ក្នុងតំបន់រមណីយដ្ឋានអង្គរ។ បើទោះបីជាអាចប្រឈមនឹង ការខ្វះខាតទឹកដោយកត្តាអាកាសធាតុក្តៅខ្លាំងក្ដី ក៏អាជ្ញាធរជាតិអប្សរា នឹងត្រូវរក្សាទឹកឲ្យមានគ្រប់គ្រាន់ក្នុងកសិន្ធុប្រាសាទអង្គរវត្ត។
សូមបញ្ជាក់ថា ទឹកនៅកសិន្ធុប្រាសាទអង្គរវត្តស្ថិតក្នុងកម្រិតទាបជាងឆ្នាំមុនៗ ដោយកត្តាអាកាសធាតុ និងការចែកចាយទឹក ដើម្បីសង្គ្រោះស្រែប្រាំងរបស់ប្រជាពលរដ្ឋ។ ដូច្នេះអាជ្ញាធរជាតិអប្សរា បានអំពាវនាវឲ្យប្រជាពលរដ្ឋដែលនៅតាមបណ្ដោយស្ទឹងសៀមរាប ក៏ដូចនៅក្នុងតំបន់រមណីយដ្ឋានអង្គរ មេត្តាប្រើទឹកដោយមានការប្រុងប្រយ័ត្ន និងសន្សំសំចៃ៕
រូបថត៖ អាជ្ញាធរជាតិអប្សរា